Burg për dy vëllezërit organizatorë të grabitjes së Rinasit

21/03/2020 - 19:19

Gjykata Speciale dha masën e sigurisë “arrest me burg” për vëllezërit Eldi dhe Klement Çala, të cilët akuzohen për grabitjen në aeroportin e Rinasit me 9 prill të vitit të shkuar. Ata u arrestuan të enjten në një shtëpi me qira në Golem, ndërsa vendimi i kësaj të shtune është konfirmim i masës së sigurisë së dhënë më parë në mungesë menjëherë pas shpalljes në kërkim si autor të dyshuar.

Gjykata kundër Krimit të Organizuar dhe Korrupsionit ka rikonfirmuar arrestin me burg dhënë në mungesë ndaj dy vëllezërve Klement dhe Eldi Çala, të akuzuar si organizatorë të grabitjeve të bujshme të ndodhura në harkun kohor të 4 viteve në rrugën e Rinasit dhe brenda aeroportit.

Vendimi i kësaj të shtune ishte konfirmim i masës së sigurisë së një viti më parë kur u dha masa e sigurisë arrest me burg në mungesë në momentin që u shpallën si të dyshuar për grabitjen e bujshme të 4.6 milion eurove në Rinas.

Klement dhe Eldi Çala u arrestuan të enjten në Golem pasi policia zbuloi se ata qëndronin në një shtëpi me qira aty.

Gjatë operacionit, atyre iu sekuestruan 100 000 euro dhe tre pistoleta.

Në operacionin për kapjen e tyre u angazhuan 300 forca policore nga Departamenti i Policisë Kriminale, Forca e Posaçme Operacionale në Policinë e Shtetit, njësia speciale FAST Albania, RENEA dhe Drejtoritë Vendore te Policisë Durrës, Tiranë e Elbasan.

Vëllezërit Çala ndodheshin në kërkim prej një vit së bashku me Talo Çelën i dyshuar si bashkëpunëtor i tyre në krim.

Pas super-grabitjes së Rinasit, policia e shtetit ofroi një shpërblim prej 10 mijë eurosh për këdo që jepte informacion për kapjen tyre.

Në Korrik të vitit të shkuar Çalajve në Elbasan iu bllokua pasuria prej 500 mije euro.

Për grabitjen e 4.6 milionë në pistën e aeroportit në qeli ndodhen7 persona, i cilësuari si daja nga Kosova Ragio Hajdini, Elton Pikli, Renaldo Sulaj, Oltion Veseli, Saimir Çela, Alkond Bengasi dhe Hasan Kanaçi. 

Ndërsa i vrarë nga shkëmbimi i zjarrit me policinë ditën e ngjarjes  mbeti organizatori i grabitjes, Admir Murataj.

/portali DurresLajm/

Na bëni like në facebook!: 

Lajme nga e njëjta kategori

Policia e Durrësit njofton se forcat blu kanë shpëtuar një 25-vjeçar, i cili po rrezikonte të mbytej në plazhin e Currilave.

Policia e Qarkut Durrës njofton se ka ndëshkuar me masë administrative 1 milion lekë, 3 pronarë subjektesh dhe me mbyllje të aktivitetit

Një tjetër ngjarje e rëndë raportohet nga Durrësi, ku një i ri 28-vjeçar është vetëvarur në banesën e tij.

Finalizohet me sukses operacioni policor "Stojani"

Goditet një tjetër rast i kultivimit të bimëve narkotike.

Një 40-vjeçar nga Tirana është arrestuar nga policia e Elbasanit, pasi është kapur duke transportuar 34 shtetas sirianë, për të kaluar ku

Arrestohet në Tiranë Anterio Kaloshi, shoku i autorit të masakrës së Lushnjes, Orgest Bilbili.

Një 50-vjeçar është gjetur i pajetë në rrugën “Ndre Mjeda” në Tiranë. Mësohet se viktima ishte roje në një pallat në ndërtim.

Një i ri nga Tirana ka përfunduar në pranga pasi u kap duke transportuar emigrantë të paligjshëm.

Policia e Vlorës ka ndaluar një 39-vjeçar të shpallur në kërkim dy ditë më parë pasi kanosi dy zyrtarë të Agjencisë Kombëtare të Bregdeti