Zbardhen emrat e shqiptarëve të arrestuar gjatë operacionit antimafia, të ekzektuar sot në Viterbo të Italisë:
Në pranga ra Ismail Rebeshi 38 vjec, kreu i kësaj bande, i cili më parë ishte arrestuar në nëntor të 2018 për trafik koakinë e heroinë, pronar i një autosalloni makinash e i një lokali nate.
- Spartak Patozi i njohur me emrin "Richmond"
- Shkëlzen Patozi i njohur me ermin "Zeni"
- Gazmir Gurguri i njohur me emrin "Gazi"
- Sokol Dervishi i njohur me emrin "Codino"
Mes të arrestuarve me burg janë dhe dy femra, një shtetase italiane e një shtetase nga Maroku. Policia e Viterbos nën drejtimin e Departamentit të Përgjitshëm të Antimafias ka ekezekutuar 13 urdhëra arresti ndaj anëtarëve të një grupi kriminal italo-shqiptar të akuzuar si anëtarë të një organizate mafioze kriminale që vepronte në territorin e provincës së Viterbos.
Gjatë aksionit 11 persona janë lënë në burg ndërsa dy të tjerë në arrest shtëpiak. Akuza ndaj tyre janë pjesëmarrje në organizim të strukturuar mafioz, zhvatje e kërcënime të dhunshme, tentativë grabitje, dhunim fizik ndaj personave, armëmbajtje pa leje, etj.
Ky grupim kriminal, nën drejtimin e shqiptarit Isamil Rebeshi i cili njihej me nofkën Ermal e të italianit, Giuseppe Trovato i thirrur Peppino, anëtar i një prej klaneve të mafias kalabreze Ndrangheta, kishte terrorirzuar sipërmarrësit dhe banorët e Viterbos.
Me anë të metodave mafioze ata kishin vënë nën kontroll këtë territor për trafikimin e lëndëve narkotike si dhe kishin përvetësuar me metoda të dhunshme disa sektorë të ekonomisë si bizneset e shitje-blerjes së flororit si dhe disa lokale nate.
Hetimet e policisë italiane kanë nisur në dhjetor të 2017 e kanë vërtetuar mbi 50 episode të dhunshme të kryera nga ky grupim si kërcënime ndaj sipërmarrësve të zonës, djegje makinash mes të cilave dhe automjetet e dy punonjësve të policisë, letra kërcënuese me jetë e koka kafshësh të prera të hedhuar në dyqanet e tregtarëve që nuk pranonin të paguanin.
