"Deshën ta trembnin", ja çfarë lënde i vendosën drejtorit Dyrmishi poshtë makinës

19/11/2018 - 10:54

Burime nga policia e Durrësit konfirmojnë për “DurrësLajm” se lënda plasëse që u gjet sot poshtë automjetit të drejtorit të Hekurudhës Ani Dyrmishi, nuk ka qenë e rregullt.

Pas verifikimeve përkatëse, rezultoi se në bidon nuk kishte as bateri, as kartë dhe as kapsolla. “Lënda e dyshuar ka qenë nitrat, por jo e përzier. Pra teknikisht nuk është e rregullt”, sqaruan të njëjtat burime.

Nëse objektivi ka qenë drejtori Dyrmishi, autorët e kanë bërë këtë skenë vetëm për ta trembur, pra nuk kanë pasur si qëllim për ta eliminuar apo për t'i shkaktuar dëmtime.

Pas ngjarjes, në një prononcim për “DurrësLajm” Dyrmishi tha se dyshonte që të ishte ai shënjestra, pasi nuk ka konflikte me askënd.

 “Nuk mendoj që jam unë shënjestra, sepse s’kam konflikte me persona të tjerë. Unë në të gjithë Durrësin eci në këmbë. Mund të jetë dikush tjetër objektivi dhe shënjestra”, tha Dyrmishi.

Informacioni paraprak i policisë:

Sot rreth orës 08:30, në lagjen nr.4, në një parking mjetesh u konstatua një pako, e dyshuar si lëndë plasëse. Në vendin ku u gjet pako, ishte parkuar mjeti tip 'Pasat' me targa AA 070 TP, në përdorim nga shtetasi A.D. me detyrë Drejtor i Përgjithshëm i Hekurudhave. Në momentin që ka lëvizur mjetin, ai nuk e ka konstatuar pakon e dyshimtë.

Nga konkluzionet e para të ekspertëve anti-eksploziv rezulton se pakos së dyshuar i mungonin disa elementë për të qenë lëndë plasëse. Grupi hetimor po punon për sqarimin e rrethanave të ngjarjes.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale "Kanosja për shkak të detyrës".

/portali DurresLajm/

Video: 
Na bëni like në facebook!: 

Lajme nga e njëjta kategori

Autoritetet daneze të hetimit si vend lider i këtij hetimi, bashkëpunuan me Prokurorinë e Krimeve të Rënda në Tiranë dhe Departamentin e

Policia italiane ka arrestuar disa shqiptarë që akuzohen për shfrytëzim të grave për punë në mënyrë të paligjshme në Itali.

Shërbimi për Çështjet e Brendshme dhe Ankesave pranë ministrisë së Brendshme në bashkëpunim me prokurorinë kanë arrestuar punonjësin e po

Specialistët për Hetimin e Krimit në Komisariatin e Policisë Peqin, arrestuan në flagrancë shtetasin B.H., 30 vjeç, banues në Peqin.

Dëmtohet gjatë punimeve të instalimit të statujës së Redonit, një punonjës 38-vjeçar nga Durrësi.

Rëndohet bilanci i viktimave që humbin jetën gjatë këtij sezoni turistik.

Policia ka arrestuar në flagrancë një 60-vjeçar në Memaliaj pasi u kap duke kultivuar fidanë kanabisi.

Një 26-vjeçare ka ndërruar jetë para pak minutash pasi ka goditur nga pas një trajler.

Kryetari i Bashkisë së Lezhës, Fran Frrokaj është proceduar penalisht në gjendje të lirë.

Një makinë ka dalë nga rruga në Gjirokastër dhe si pasojë janë plagosur tre persona.