Të tjera detaje mësohen nga vrasja e 21-vjeçarit në Bulqizë pas një konflikti.
I riu, Arlind Pasha ka humbur jetën rrugës për në spital ndërsa forcat e Policisë janë vënë në ndjekje të autorit, ku po krihet zona dhe janë ngritur pika kontrolli në akset rrugore me qëllim kapjen e tij.
Dyshohet se autori, Fatjon Keta është me probleme të shëndetit mendor dhe ka ushtruar dhunë edhe ndaj nënës dhe motrës.
Informacion paraprak
Rreth orës 10.00, në qytetin e Vjetër Bulqizë, dyshohet se gjatë një konflikti për motive të dobëta, shtetasi F.K, ka plagosur me thikë shtetasin A.P, rreth 21 vjeç, i cili gjatë rrugës për spital ka humbur jetën.
Forcat e Policisë janë vënë në ndjekje të autorit, ku po krihet zona dhe janë ngritur pika kontrolli në akset rrugore me qëllim kapjen e tij.
Grupi hetimor vijon hetimet në vendngjarje.