Fenomeni i dhunës vazhdon të përsëritet në familjet shqiptare. Kështu ditën e sotme policia e Beratit ka ndaluar dhe arrestuar: Shpëtim K, 41 vjeç, banues në Berat
Arrestimi i 41-vjeçarit u bë, pasi ka ushtruar dhunë fizike dhe psikologjike ndaj bashkëshortes së tij F.K, 39 vjeçe, banuese në Berat. Po ashtu ra nën prangat e policisë së Beratit: Fatmir M, 50 vjeç, banues në Berat.
Mbi 50-vjeçarin rëndon akuza për dhunë fizike dhe psikologjike të përsëritur ndaj bashkëshortes së tij R.M, 47 vjeçe, banuese në Berat. Ndërsa materialet në ngarkim të personave të lartëpërmendur i kaluan Prokurorisë së Rrethit Gjyqësor Berat për veprën penale, "Dhuna në familje",
Njoftimi i policisë:
Arrestohen në flagrancë dy shtetas për dhunë në familje. Nga Specialistët e Seksionit për Krimet u bë arrestimi në flagrancë i shtetasve:
•Shpëtim K, 41 vjeç, banues në Berat.
Arrestimi i tij u krye pasi ka ushtruar dhunë fizike dhe psikologjike ndaj bashkëshortes së tij shtetases F.K, 39 vjeçe, banuese në Berat.
•Fatmir M, 50 vjeç, banues në Berat.
Arrestimi i tij u bë pasi në mënyrë të përsëritur ka ushtruar dhunë fizike dhe psikologjike ndaj bashkëshortes së tij shtetases R.M, 47 vjeçe, banuese në Berat.
Materialet në ngarkim të këtyre shtetasve i kaluan Prokurorisë së Rrethit Gjyqësor Berat për veprën penale, "Dhuna në familje", parashikuar nga neni 130/a i Kodit Penal.
