Një makinë në ecje është përfshirë nga flakët mbrëmjen e sotme në Korçë. Ngjarja ka ndodhur rreth orës 21:50, teksa policia u njoftua se në zonën e ish SMT-së, ka marrë flakë në ecje e sipër mjeti tip “Volkswagen” me targa AA 602 CS, në pronësi të shtetasit D.H.
Menjëherë u njoftua zjarrfikësja e cila ndodhet në vendngjarje, për të bërë të mundur fikjen e zjarrit. Nga të dhënat e para dyshohet se zjarri në mjet, mund të ketë rënë për shkaqe aksidentale.
Grupi hetimor po punon për të përcaktuar shkaqet e rënies së zjarrit si dhe zbardhur rrethanat e ngjarjes.
