Dorëhiqet gjyqtarja që firmosi arrest shtëpie për ish-ministrin Tahiri

09/12/2019 - 14:13

Dorëhiqet nga detyra, gjyqtarja e Krimeve të Rënda Liljana Baku. Më datë 2 dhjetor, gjykatësja e karrierës depozitoi zyrtarisht në Këshillin e Lartë Gjyqësor kërkesën ku shpjegon arsyet e largimit nga detyra.

Thuhet se në letrën e dorëheqjes, Baku sqaron se në të ardhmen do të angazhohet në një biznes privat e për këtë shkak s’mund të vijojë me karrierën në gjyqësor.

Këshilli pritet ta shqyrtojë kërkesën e saj në seancën plenare të datës 10 dhjetor, pak ditë përpara se të bëjë emërimin e përkohshëm të gjykatës së posaçme, kundër korrupsionit dhe krimit të organizuar.

Liljana Baku, është bërë pjesë e sistemit të drejtësisë, prej më shumë se 20 vitesh. Prej themelimit të saj, ajo ka ushtruar funksionin pranë gjykatës për Krime të Rënda, ku ka shqyrtuar mjaft dosje të vështira. Çështja më e fortë që ka shqyrtuar së fundmi, është ajo e ish-ministrit të Brendshëm Saimir Tahiri.

Ajo vendosi të pranojë kërkesën e prokurorisë duke i bllokuar pasaportën Tahirit, e në këtë mënyrë edhe lëvizjen jashtë vendit. Vendimi i saj u rrrëzua nga Apeli, pavarësisht deklaratës së fortë që erdhi asokohe nga ambasadori amerikan Donald Lu, që shënjestronte hapur gjykatësit e shkallës së dytë dhe ngrinte dyshime të forta për përfshirjen e tyre në korrupsion. Pavarësisht kësaj, në maj të 2018, gjykatësja Baku firmosi masën e dytë për Tahirin, atë të arrestit shtëpiak. Por edhe kjo masë u shfuqizua dhjetë ditë më vonë nga Apeli.

/portali DurresLajm/

Na bëni like në facebook!: 

Lajme nga e njëjta kategori

Një biznesmen 34-vjeçar, pronar i një lokali dasmash, është ndarë në mënyrë të parakohshme nga jeta në Kavajë.

Një 19-vjeçar ka rënë në prangat e policisë së Vlorës, pasi dyshohet se ka kanosur me armë një person tjetër.

21-vjçari G. Kokaj është dhunuar me mjete të forta gjatë natës në Lezhë.

Interpol Tirana vijon bashkëpunimin me homologët, për kapjen dhe ekstradimin e personave të shpallur në kërkim ndërkombëtar.

KMT kallëzon penalisht për “shpërdorim detyre” katër zyrtarë të Bashkisë së Himarës.

Ndërron jetë një pushuese 69-vjeçare në plazhin e Ksamilit.

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Policia e Vlorës ka shpallur në kërkim një person, i cili ka kanosur sot punonjësit e Agjensisë Kombëtare të Bregdetit gjatë ushtrimit të

Dhjetë mijë maska që dyshohet të jenë prodhuar në vendin tonë​​ janë sekuestruar në portin e Ankonës nga Guardia di Finanza.

Autoritetet Gjyqësore Holandeze, konkretisht Prokuroria e Amsterdamit, Holandë, kanë përcjellë një kërkesë për ndihmë juridike, në të cil