Dy persona kanë tentuar të vetëvriten në Tiranë duke prerë damarët. Dy rastet janë regjistruar mbrëmjen e së martës.
Një djalë i ri vetëm, 20 vjeç ka prerë damarët e dorës, pasi i ati nuk e linte të hynte në banesë dhe të takonte të ëmën.
I. M., 40 vjeç, banues në Bathore, rreth orës 19:00 të mbrëmjes së djeshme, në banesë, duke mos e lejuar të takojë nënën e tij dhe të qëndrojë në banesë, ka shtyrë në vetëvrasje, duke prerë damarët nga mërzia të birin F. M., 20 vjeç, banues në Bathore.
Sipas pretendimeve të 40-vjeçarit, i cili u arrestua nga policia, i biri ishte natyrë problematike dhe për këtë arsye kishte vendosur që t’i jepte mësim.
Fatmirësisht, i riu ndodhet jashtë rrezikut për jetën dhe është larguar për në banesë, pas mjekimit në spital.
Ndërkohë, rasti i dytë është regjistruar rreth orës 19:30, të së martës, "kur në spitalin “Nënë Tereza”, ka shkuar i shoqëruar nga familjarët, në gjendje të rëndë shëndetësore V. Sh., vjeç 52, banues në Babrru. Nga veprimet hetimore të kryera rezultoi se 52-vjeçari kishte prerë damarët në banesën e tij, pasi vuan nga probleme mendore".
Lidhur me të dyja rastet materialet iu referuan Prokurorisë së Tiranës, për vlerësim.
