Ka ndërruar jetë në spital 38-vjeçari që u plagos dje me thikë në zonën e Unazës së Re në Tiranë. Olsi Lelo humbi jetën për shkak të gjakderdhjes. 38-vjeçari u qëllua me thikë nga 51-vjeçari Remzi Caushaj. Mësohet se autori nuk pranonte lidhjen e vajzës së tij me viktimën.
Konflikti mes tyre në një lokal degjeneroi në përdorimin e armëve të ftohta. Caushaj goditi me thikë 38-vjeçari Lelo duke e lënë të plagosur në gjendje të rëndë, i cili u dërgua në Spitalin e Traumës për trajtim mjekësor.
Fatkeqësisht, ai nuk mundi të mbijetonte dhe ndërroi jetë ditën e sotme. Ndërsa, autori Remzi Caushaj është i arrestuar.
