Policia e Durrësit, gjatë kontrolleve të ushtruara ka arrestuar dy të rinj që u kapën me kanabis dhe armë të ftohta.
Në pranga ranë:
• Leonard Tusha 32 vjeç, banues në Durrës;
• Darison Llukaj 19 vjeç, banues në Durrës.
Policia gjatë kontrollit në mjetin e Leonard Tusha gjeti dhe sekuestroi në cilësinë e provës materiale një sasi lënde narkotike e dyshuar Cannabis Sativa.
Ndërsa gjatë kontrollit fizik, të shtetasit Darison Llukaj, Policia i gjeti dhe sekuestroi në cilësinë e provës materiale një përforcues grushti.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhimi dhe shitja e lëndëve narkotike” në ngarkim të shtetasit L.Tusha dhe “Prodhimi, mbajtja, blerja apo shitja pa leje e armëve të ftohta” në ngarkim të shtetasit D.Llukaj.