Policia italiane ka vënë në pranga ditën djeshme dy shqiptarë dhe një italian, pasi janë kapur duke transportuar drogë.

Mediat italiane raportojnë se bëhet fjalë për 42-vjeçarin Salvatore Certaldo, dhe dy shqiptarët, 36-vjeçari Renato Lograno, i lindur në Tiranë, e banues në Firence dhe 29-vjeçari Oltion Proko, i lindur në Vlorë.

Kanë qenë karabinierët e Leçes, të cilët pas një kontrolli rutinë kanë bërë të mundur si fillim ndalimin e një makine që drejtohej nga shqiptari, Renato Lograno, ku u gjet një sasi prej 54 kg marijuanë.

Ndërsa, vetëm pak minuta më vonë, policia italiane ndaloi edhe një tjetër makine tip Nissan, që drejtohej nga shqiptari tjetër Oltion Proko, ku u gjetën një sasi prej 150 kg marijuanë.

Ata u vunë në pranga, ndërsa pritet që të dalin para gjykatës për t’u njohur me masën e sigurisë.