EMRAT/ Dënohen me burg shqiptarët që kultivonin kanabis në shtëpi, përballen edhe me dëbimin

20/08/2019 - 09:14

Mediat britanike raportojnë se dy shqiptarë janë dënuar me burg pasi në shtëpinë e tyre policia zbuloi 100 bimë kanabis sativa.

Më 24 qershor, autoritetet britanike në Darwen bastisën banesën e dy shqiptarëve pas ankesave të fqinjëve për erën e kanabisit, ku gjetën shqiptarët Mentor Vata dhe Shpresim Vehapaj, të dy 26 vjeç.

Mentor Vata u dënua me dy vjet burg ndërsa Shpresim Vehapaj mori një dënim prej katër muajsh, por përfaqësuesja e gjykatës i tha dy shqiptarëve se ata do t'i nënshtroheshin procedurave të dëbimit.

Dy shtetasit shqiptarë e kishin shndërruar banesën e tyre në një laborator të vërtetë të kultivimit të kanabisit, pasi ata lëndën narkotike e kishin mbjellë nëpër dhoma. Në dhomën e parë oficerët gjetën rreth 20-30 bimë, në fazën e hershme të rritjes, si dhe llamba për ndriçimin e lëndës narkotike.

Edhe në dhomën e dytë u gjetën rreth 20-30 bimë, në të njëjtat kushte që ishin edhe në dhomën e parë. Ndërsa në dhomën e tretë u gjetën bimë të thara dhe në papafingo u gjetën rreth 50-60 bimë.

Po ashtu kishte informacione se energjia elektrike në banesë merrej në mënyrë të paligjshme. Sipas mediave, Vata dhe Vehapaj nuk kishin një adresë fikse dhe nuk kishin dënime të mëparshme në Mbretërinë e Bashkuar.

Avokati i dy shqiptarëve, Adam Watkins tha se dy klientët e tij kishin hyrë në mënyrë të paligjshme në Britani, në kërkim të një jete më të mirë. Ai u shpreh para gjykatës së dy shqiptarët do ta kishin të vështirë në burg pasi nuk mund të flasin anglisht.

Për Mentor Vatën, avokati tha se erdhi në Britani me kamion, duke shpresuar se do të gjente punë, me të cilën do të ndihmonte familjen në Shqipëri.

"Ka bërë punën e kopshtarit, po nuk ka mundur të fitojë para. Ajo që i sigurohej ishte vetëm një krevat dhe ushqimi, por nuk fitonte para për të ndihmuar familjen".

Ndërsa për Shpresim Vehapaj, avokati deklaroi se ai kishte punuar në sektorin e ndërtimit në Londër dhe se ndodhej në atë banesë vetëm për disa orë.

"Ai nuk është i përfshirë në këtë ngjarje. Ai ka pranuar se do të paguhej për ndihmën në ato pak orë", tha avokati.

/portali DurresLajm/

Na bëni like në facebook!: 

Lajme nga e njëjta kategori

Një 44-vjeçar në Durrës është rrëzuar nga kati i tretë i pallatit e si pasojë ka përfunduar në spital, nën kujdesin  e mjekëve.

Në emisionin “Uniko” nga Spartak Koka në Klan Plus janë publikuar për herë të parë fotot ekskluzive të një personazhi të njohur të përfsh

Gjykata e posaçme kundër korrupsionit dhe krimit te organizuar, ka vendosur qe të zëvendësojë masën e sigurisë për Bajram Hajrin, nga arr

Gjatë karantinimit 40 orësh ndërsa qytetarët janë të mbyllur në shtëpi, në Durrës hajdutët vijojnë aktivitetin e tyre normalisht.

Andre Ljuljovic është shqiptaro-amerikani, që ka humbur jetën nga koronavisuri në SHBA.

Një vajzë nga Lezha, e cila pasi mësoi se gjyshja ishte prekur nga koronavirusi, pak ditë më vonë u dërgua me urgjencë në spital me dhimb

Policia e Durrësit vijon kontrollet në lokale, të cilat duhet të jenë të gjitha të mbyllura, në kuadër të masave të marra në luftën kundë

Strukturat e Policisë së Shtetit kanë vijuar kontrollet në të gjithë territorin, në zbatim të masave kufizuese të shpallura nga qeveria s

Ish-futbollisti i Kombëtares, Klodian Duro, u arrestua në datën 24 mars, nga policia e Tiranës, për shkak të përndjekjes ndaj ish-gruas.

  • Bashkëpunimi dhe koordinimi i veprimeve mes DVP Durrës dhe Interpol Tirana vë në pranga një të kërkuar, i dënuar në Itali pë