EMRAT/ Prangosen 2 persona, sekuestrohet kokainë dhe para

23/09/2018 - 10:54

Një 48 vjeçar është arrestuar nga policia në kuadër të një operacioni antidrogë të koduar "Vjeshta".

Artan Agolli, 48 vjeç, lindur në fshatin Zvarisht, Korçë dhe banues në fshatin Dhërmi Vlorë, u arrestua në flagrancë në godinën ku jetonte përkohësisht, pasi u kap me 107 doza kokainë.

Gjithashtu në kuadër të këtej operacioni është arrestuar edhe Marjo Kola, 42 vjeç, banues në Sarandë, pasi në lokalin ku punonte si banakier u gjetën 4 gramë lëndë narkotike e dyshuar si “Kokainë”.

NJOFTIMI I PLOTË

Finalizohet operacioni antidrogë “Vjeshta”. Sekuestrohen kokainë e para të përfituara nga aktiviteti kriminal. Arrestohet në flagrancë autori. Ndërkohë në Sarandë është kapur dhe arrestuar një tjetër shtetas që shpërndante kokainë me doza.

Gjithashtu në zbatim të planit të masave për kontrollin e territorit, për kapjen e personave në kërkim, atyre që qarkullojnë me armë zjarri, apo që trafikojnë lëndë narkotike, gjatë kontrolleve të ushtruara në territorin e Qarkut Vlorë, nga Forca e Posaçme Operacionale me mbështetjen e FNSH, janë shoqëruar për verifikim 28 persona kryesisht ata me precedent penal.

Seksioni për Hetimin e Narkotikëve pranë Drejtorisë Vendore të Policisë Vlorë, në bazë të informacioneve të siguruara në rrugë operative, kënë organizuar, zhvilluar dhe finalizuar me sukses operacionin antidrogë “Vjeshta”, në kuadër të të cilit u arrestua në flagrancë shtetasi:

Artan Agolli, 48 vjeç, lindur në fshatin Zvarisht, Korçë dhe banues në fshatin Dhërmi Vlorë.

Sipas hetimeve me metoda speciale, u bë i mundur lokalizimi i vendndodhjes së personit dhe në mënyrë të mirëorganizuar dhe profesionale u arrit kapja në kushtet e flagrancës e shtetasit Artan Agolli, në godinën ku edhe jetonte përkohësisht në fshatin Dhërmi, Vlorë.

Nga kontrolli i banesës, policia ka sekuestruar në cilësinë e provës materiale drogë, materiale tė ndryshme dhe para të përfituara nga shitja e lëndës narkotike :

▪ 107 doza lëndë narkotike e dyshuar e llojit “Kokainë”.

▪ 353.000 (treqind e pesëdhjetë e tre mijë) lekë të rinj, 875 (tetëqind e shtatëdhjetë e pesë €) Euro, si dhe 100 (njëqind $) dollarë.
▪ Një automjet i markës “Mercedes Benz”, një peshore elektronike, dy aparatë celularë.

Ndërkohë në Sarandë, Policia arrestoi në flagrancë shtetasin: Marjo Kola, 42 vjeç, banues në Sarandë, Menaxher dhe Banakier në një lokal. Kapja dhe arrestimi i tij u bë në lokalin ku punon pasi gjatë kontrollit të ushtruar në banakun e këtij lokali, u gjet dhe u sekuestrua 4 gramë lëndë narkotike e dyshuar si “Kokainë”.

Materialet iu referuan Prokurorisë për veprime të mëtejshme.

/portali DurresLajm/

Na bëni like në facebook!: 

Lajme nga e njëjta kategori

Policia angleze ka deklaruar se këtë pasdite, datë 16 tetor 2019, dy shqiptarë kanë marrë dënimin nga gjykata me 32 muaj burgim secili.

Prokuroria e Kavajës më në fund ka marrë nën hetim Marsida Qatjan, 30-vjeçaren në banesën e së cilës në datë 9 tetor, pas shkëmbimit të a

Një aksident me vdekje ndodhi mbrëmjen e sotme në rrugën Milot-Fushë Krujë.

Policia italiane ka zhvilluar një mega-operacion, duke shkatërruar një bandë kriminale që merrej me trafik ndërkombëtar të drogës.

Në vijim të organizimit të operacioneve të riatdhesimit për shtetasit shqiptarë në situatë të parregullt qëndrimi në territorin francez,

Policia ndalon një 24-vjeçar të shpallur në kërkim kombëtar, i dënuar me 4 vite e 8 muaj burg për veprën penale "Prodhimi dhe shitja e na

Ky është momenti i arrestimit të 38-vjeçarit Tesilvan Basho gjatë operacionit “Selenica”.

Një person i dënuar me burgim të përjetshëm në Itali është arrestuar në Selenicë të Vlorës.

Gjykata e Tiranës ka vendosur masën detyrim paraqitje për 10 të arrestuarit pas protestës të së dielës.