EMRI/ Dënohet me burg shqiptari që planifikonte sulme terroriste në Amerikë

14/12/2019 - 18:34

Fabjan Alameti, shqiptari 21-vjeçar që banonte në New York është dënuar me gati pesë vite burg. Më herët ai kishte pranuar fajësinë për deklarim të rremë tek Byroja Federale e Hetuese kur u pyet rreth aspiratave të tij për t’iu bashkuar organizatës terroriste të Shtetit Islamik dhe planin për hakmarrje pas sulmit në një xhami në Zelandën e Re.

Atij iu lexua dënimi në gjykatën federale në Missoula të shtetit të Montanës. Alameti është dënuar me 4 vite e 9 muaj heqje lirie.  Autoritetet e drejtësisë intervistuan Alametin për herë të parë në vitin 2018. Më vonë ai kishte postuar shkrime në rrjetet sociale, në mbështetje të organizatës ISIS.

Prokurorët thonë se ai po udhëtonte me autobus drejt Montanës më 15 mars, kur një person i armatosur vrau 50 njerëz në një xhami në Christchurch të Zelandës së Re.

Alameti kishte biseduar online me një person pa e ditur se ai ishte informator, e të cilit i kishte shpalosur planin e tij që të sulmojë njerëz të zakonshëm në shenjë hakmarrje sikurse edhe planet e tij që të ndëmerrte një sulm kundër një objekti ushtarak në SHBA.

Ai u arrestua më 3 prill në një poligon armësh në shtetin Montana. Avokati mbrojtës i të dënuarit tha se deklaratat e klientit të tij janë të mbrojtura nga amendamenti i parë./VOA

/portali DurresLajm/

Na bëni like në facebook!: 

Lajme nga e njëjta kategori

Dy persona janë konfliktuar me njëri-tjetrin në fshatin Remenj të Pogradecit.

Një i moshuar ka humbur jetën në plazhin e Borshit pak pas mesditës së sotme.

Vrasja e Gjin Ndojit alias Gjin Boriçi, mendohet të jetë kryer për gjakmarrje. Një sagë vrasjesh që nisi që në vitin 1997.

Vijojnë kontrollet për monitorimin e zbatimit të masave kufizuese, me qëllim parandalimin e përhapjes së Covid-19.

Një aksident rrugor ka ndodhur paraditen e sotme në Lushnje.

Gjykata e Pogradecit ka lënë në burë 44-vjeçarin, Olsi Çekiçi që katër ditë më parë vrau duke i prerë kokën nënës së tij në fshatin Buçim

Një 65-vjeçar ka humbur jetën në një aksident rrugor.

Vijon puna për gjurmimin, identifikimin dhe sekuestrimin e aseteve që janë përfituar nga veprimtaritë kriminale.

Finalizohet operacioni policor i koduar “Porosia ”, sekuestrohen 1 kg e 75 gr. heroinë në Tiranë.