Një person ka humbur jetën te rruga “Siri Kodra” në Tiranë. Ai është gjetur pa shenja jete në një magazinë.
“Më datë 24.11.2020, rreth orës 18:30, në rrugën “Siri Kodra”, në një magazinë (e kthyer në banesë), është gjetur pa shenja jete shtetasi A.P., rreth 60 vjeç. Nga kqyrja paraprake nuk vërehen shenja dhune apo dëmtime të tjera fizike”,- njofton policia.
Grupi hetimor dhe sherbimet e policisë ndodhen në vendngjarje dhe vijojnë për sqarimin e rrethanave të ngjarjes, ku paraprakisht dyshohet për vdekje natyrale.