Policia greke ka goditur një bandë shqiptare që kryenin vjedhje në banesat në ishullin turistik të Mykonosit.
Në pranga u vunë 7 shqiptarë, të moshës nga 23 deri në 39 vjeç, ndërsa një tjetër është ende në kërkim.
Fillimisht në pranga kanë rënë 3 prej shqiptarëve, të cilët në makinën e tyre kishin fshehur një sasi droge.
Hetimet për kapjen e kësaj bande kanë muaj që vazhdojnë, ndërsa së fundmi u krijua një grup i posaçëm që në fund finalizuan operacionin.
Nga kontrolli i policisë i kryer në automjet, u gjetën dhe sekuestruan: 8 pasaporta të palëve të treta; shufra metalike; 4 doreza pune; 2230 euro, 1500 dollarë, 11000 paund Liban, 180 rads të Afrikës së Jugut; 3 telefona celularë.
Personat e arrestuar u dërguan në Prokurorinë e Simvoulio Syros, ndërsa hetimi vazhdon me qëllim që të verifikohet përfshirja e tyre edhe në raste të tjera të ngjashme.
