Një shtetas është shpallur në kërkim në kuadër të operacionit antidrogë koduar “Mbrëmja” të zhvilluar në qytetin e Shijakut. Policia bën me dije se gjatë kontrollit të ushtruar në banesën e shtetasit B.K. në Shijak u gjetën dhe u sekuestruan në cilësinë e provave materiale:
• 447.5 gramë lëndë narkotike e dyshuar e llojit Heroinë;
• një peshore mekanike dhe një peshore elektronike;
• një thikë me gjatësi 27 cm dhe
• 124 copë fishekë model 56.
Shtetasi B.K, pronari i banesës, nuk ndodhej në banesë në momentin e kontrollit dhe është shpallur në kërkim ku vijon puna për kapjen e tij
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale
" Prodhimi dhe shitja e narkotikëve", "Prodhimi dhe mbajtja pa leje e armëve luftarake dhe e municionit" dhe"Prodhimi dhe mbajtja pa leje e armëve të ftohta" parashikuar në nenet 283/1, 278/4 dhe 279 të Kodit Penal.
