I kërkuar për krim të organizuar e drogë, kapet 56-vjeçari, arrestohet dhe i biri

06/12/2019 - 10:30

Policia e Fierit ka finalizuar operacionin e koduar “Rrjeta” duke arrestuar një 56-vjeçar të shpallur në kërkim nga autoritetet e Kosovës si dhe djalin e tij pasi është kapur me armë zjarri.

Operacioni është zhvilluar nga strukturat e Drejtorisë Vendore të Policisë Fier, në bashkëpunim me Drejtorinë e Forcës së Posaçme Operacionale dhe Interpol Tirana.

Nga informacionet e marra në rrugë operative policia ka bërë të mundur lokalizimin dhe më pas arrestimin e shtetasit të shpallur në kërkim ndërkombëtar A.I., 56 vjeç, banues në Fier.

Gjykata Themelore në Prishtinë ka dërguar urdhër-arrestin për veprat penale “Krim i organizuar” dhe “Blerje, posedim, shpërndarje dhe shitje e paautorizuar e narkotikëve të rrezikshëm’.

Gjithashtu, gjatë operacionit, në ambientet e një lokali në Fier, u bë kapja dhe arrestimi në flagrancë i djalit të tij shtetasi A. I., 33 vjeç, banues në Fier.

Nga kontrolli personal i ushtruar, 33-vjeçarit iu gjet një armë zjarri pistoletë, një krehër me 15 fishekë dhe një mjet prerës (biçak), të cilat iu sekuestruan në cilësinë e provës materiale.

Materialet hetimore i kaluan Prokurorisë pranë Gjykatës së Shkallës së Parë Fier, në ngarkim të 33-vjeçarit A. I., për veprën penale “Armëmbajtja pa leje”.

/portali DurresLajm/

Na bëni like në facebook!: 

Lajme nga e njëjta kategori

Një sasi e konsiderueshme lënde narkotike e dyshuar kanabis sativa është kapur në doganën e Bllatës.

Mesditën e sotme një autobus urban në Paskuqan ka marrë flakë në lëvizje e sipër.

Katër të rinj kanë përfunduar në prangat e policisë pasi kanë kundërshtuar dhe goditur një efektiv policie në ambientet e stacionit polic

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Vijojnë goditjet e njëpasnjëshme në kuadër të operacionit “Perimetri”.

Theu masën e sigurisë “Arrest në shtëpi”, bie në prangat e policisë 26-vjeçari me precedent të theksuar kriminal.

Specialistët për Hetimin e Trafikut të Paligjshëm dhe Narkotikëve në Drejtorinë Vendore të Policisë Durrës kanë ndaluar shtetasin e shpal

Tre persona janë përplasur me policinë në hyrje të Gjykatës së Shkodrës, duke krijuar tension para këtij institucioni.

Arrestohet një 38-vjeçar nga Durrësi për llogari të Italisë, ku ishte dënuar me 3 vite e 5 muaj burg për dhunë.

Një 20-vjeçar ka aksidentuar me makinë 57-vjeçarin Durim Gjini dhe më pas është larguar nga vendngjarja.