I mungonte truri, mitra e organe të tjera! Gjykata burgos taksistin për vdekjen e adoleshentes shqiptare

13/06/2018 - 21:06

   Gjykata e Janinës ka vendosur që të çojë në burg një taksist grek i cili po shoqëronte me makinë Kostandina Anagnostin, 16 vjeçaren shqiptare që humbi jetën në vitin 2014, më 15 nëntor.

Ngjarja në fjalë ka risjellë dhe njëherë në memorje momentet e rënda të vdekjes misterioze të 16 vjeçares, e cila kishte ardhur në Shqipëri (Sarandë) për të kryer disa vizita tek mjeku dentist. 

Në atë kohë asgjë s’ka ndodhur, por teksa e reja po kthehej drejt Janinës, ajo ka humbur ndjenjat në taksi e më tutje ka shkuar e vdekur në spital.

Ekspertiza mjeko- ligjore u krye në Shqipëri. Analizat nxorrën përfundimin se e reja kishte vdekur për shkaqe natyrale dhe hetimet u pushuan. Por ka qenë babai i vajzës i cili nuk e ka pranuar këtë rezultat dhe ka vijuar që çështjen ta ndjekë në Greqi përmes një denoncimi e një tjetër autopsie.

Autopsia atje doli në të tjera rezultate. Mjeku grek tha se Kostandinës i ishin hequr organet vitale nga trupi, në një mënyrë jo profesionale dhe jashtë çdo standarti të mjekësisë ligjore, duke lënë të kuptohet se trupi i të resë kishte ardhur pa organe në Greqi.

Sipas tij, nga trupi i 16-vjeçares mungonte baza e gjuhës, epiglotisi, trakeja, laringu, mitra dhe truri. Kurse në gjakun dhe në analizat e urinës që iu bënë, u konstatuan sasi të larta të likodainës (lloj anestezie).

Nga ana tjetër, kjo ngjarje ka hedhur dyshime serioze në lidhje me të gjithë dosjen e vdekjes e gjyqit respektiv për 16 vjeçaren. Ende nuk është bërë publike nëse Gjykatës i janë paraqitur prova të reja, pasi ditët e fundit prokuroria e Janinës ka thërritur rreth 7 dëshmitarë për të dëgjuar versionet e tyre mbi çështjen. Po ajo që dihet me saktësi është se Gjykata tashmë ka vendosur që ta çojë në burg taksistin që solli të vdekur në Greqi adoleshenten shqiptare.

Rrefimi i babait të Kostandinës i dhene ne mars te ketij viti pas ekspertizes greke

Profesori Mateos Tsugkas, mjek ligjor në spitalin shtetëror të Janinës, kishte deklaruar se vajza kishte vdekur nga atak kardiak i shkaktuar nga humbje gjaku gjatë një ndërhyrjeje gjinekologjike.

Mjeku tjetër, Theodhor Vuiouklaki, ka dhënë detaje edhe më të frikshme. Babai i Konstandinës, tregoi mbrëmjen e djeshme në emisionin televiziv grek “Të vërteta me Zinën” në Star: “E takova dhe qëndrova duke folur për katër orë me mjekun Vuiouklaki. Më foli me fjalë të thjeshta. Më tregoi se me një thikë të zakonshme, e kanë çarë vajzën time, i kanë hequr mitrën dhe qafën e mitrës”.

Dhe kur e pyeta përse ‘qafa e mitrës?’, – vijon rrëfimin babai, – “ai më tha se do të kishte përfunduar në ulërimë dhe shtoi: Ata i hoqën të gjitha gjenitalet e saj në mënyrë që të mos zbulohej ndërhyrja dhe shkaku i vdekjes”. Babai citon mjekun të ketë shtuar se po ashtu vajzës i janë hequr pjesë të trurit dhe gjuhës.

/portali DurresLajm/

Na bëni like në facebook!: 

Lajme nga e njëjta kategori

Një shqiptar është arrestuar nga karabinierët në qytetin e Taranto-s.

Në kuadër  të vënies në kontroll të tregjeve mbarë vendit, Autoriteti Kombëtar i Ushqimit  ka nisur inspektimin në disa prej tyre.

Gjykata dha masën e sigurisë “arrest me burg” për Kujtim Koxhën, i cili vrau me armë zjarri tre persona dhe plagosi një tjetër.

Autori i vrasjes së trefishtë në fshatin Shëlli të Matit do të dalë sot në Gjykatë për t’i komunikuar masën e sigurisë.

Një i ri shqiptar është goditur barbarisht në Itali nga një grup nigerianësh.

Një 27-vjeçar nga Durrësi është rrahur një ditë më parë në zonën e plazhit dhe si pasojë e dhunës ka mbetur i plagosur lehtë.

Nga shërbimet e Komisariatit të Policisë Dibër, në vijim të punës për kapjen e personave në kërkim, u bë kapja dhe ndalimi i shtetasit Bu

Një aksident ka ndodhur mesditën e sotme në aksin rrugor Elbasan - Kombinati metalurgjik.

Në zyrën operative të policisë së Durrësit, një ditë më parë, ka mbërritur një telefonatë që njoftonte për të shtëna me armë në ajër në z