Ishte në kërkim, paraqitet në polici zv.drejtori i Kadastrës së Durrësit

13/08/2019 - 12:07

Zv.drejtori i Agjencisë Shtetërore të Kadastrës, Durrës, Arben Isaku, është paraqitur në policinë e Durrësit, pasi ishte shpallur në kërkim për korrupsion dhe shpërdorim detyre.

Gjithashtu në kuadër të operacionit "Legalizimi", më datë 10 gusht është bërë ndalimi i ekonomistit të këtij institucioni, shtetasi Redi. K, 27 vjeç.

Isaku ka deklaruar për "DurrësLajm" se ka ndërprerë pushimet për t'u paraqitur para autoriteteve për tu njohur me akuzat.

NJOFTIMI I POLICISË

Specialistët e Seksionit për Hetimin e Krimit Ekonomik në D.V.P. Durrës në bashkëpunim me Prokurorinë e Rrethit Gjyqësor Durrës, pas një hetimi disa mujor, në kuadër të goditjes së veprave penale kundër evazionit fiskal në zonat turistike kanë ndaluar një shtetas dhe shpallur në kërkim dy të tjerë, të cilët kanë pajisur me leje legalizimi duke falsifikuar dokumentat dy shtetas për një sipërfaqe 123 metra katror dhe truall 500 metra katror në zonën e plazhit.

Është ndaluar shtetasi R.K., 27 vjeç, banues në Durrës, me detyrë ekonomist pranë Agjencisë Shtetërore të Kadastrës - Durrës.

Janë shpallur në kërkim dhe po punohet për kapjen e shtetasve:

• A.I., 42 vjeç, banues në Durrës, me detyrë Zv/Drejtor  pranë Agjensisë Shtetërore të Kadastrës - Durrës;

• F.R., 28 vjeç, banues në Durrës, me detyrë Specialist pranë Agjensisë Shtetërore të Kadastrës - Durrës.

Tre shtetasit e mësipërm janë proceduar për veprat penale "Korrupsioni pasiv nga persona që ushtrojnë funksione publike", 

"Shpërdorimi të detyrës" dhe "Falsifikimi i dokumentave" parashikuar në nenet 259, 248 dhe 186/3 të Kodit Penal.

Personat më lart kanë pajisur me leje legalizimi duke falsifikuar dokumentat  shtetasit Xh.N., 29 vjeç, banues në Durrës  dhe  E.S., 39 vjeç, banues në Berat, të cilët janë shpallur në kërkim dhe po punohet për kapjen  e tyre pasi Prokuroria e Rrethit Gjyqësor Durrës ka nxjerrë urdhër ndalimi për veprën penale "Vjedhja me pasoja të rënda" parashikuar në nenin 134/3 të Kodit Penal.

Materialet i kaluan Prokurorisë së Rrethit Gjyqësor Durrës për veprime të mëtejshme.

/portali DurresLajm/

Na bëni like në facebook!: 

Lajme nga e njëjta kategori

Një makinë tip “Audi” ka marrë flakë në autostradën Tiranë – Elbasan.

Ngjarja ka ndodhur pranë fshatit Ibë mbrëmjen e sotme. 

Kthimi në shtëpi është kthyer në tragjedi për një familje shqiptare në Itali.

Një burrë ka humbur jetën tragjikisht pasditen e kësaj të diele, pasi u hodh nga pallati ku jetonte.

Një 31-vjeçar i kërkuar nga autoritetet shqiptare, është ekstraduar në vendin tonë nga Franca.

Pas deklaratës që bëri dy ditë më parë avokati Idajet Beqiri se po tentohet eliminimi i Izet Haxhiajt, vjen një tjetër reagim nga ai.

Një ngjarje e rëndë është shënuar në Durrës, ku një 70-vjeçar ka gjetur vdekjen.

Dy të rinj shqiptarë janë arrestuar në Savona të Italisë, nën akuzën e trafikimit të lëndëve narkotike.  Sipas mediave italiane, të rinjt

Gazetarja Klodiana Lala ka zbardhur detaje të reja nga ngjarja e ndodhur në Kavajë, dhe që tronditi mbarë vendin, ku u vra 41-vjeçari Dri