Policia ka arrestuar në flagrancë një 56-vjeçar pasi ka kanosur me armë zjarri një shtetas për motive pronësie.
Specialistët për Hetimin dhe Parandalimin e Krimeve në Komisariatin e Policisë Krujë, falë reagimit në kohë kanë arrestuar në flagrancë shtetasin Sh.Q., 56 vjeç banues në Krujë.
Arrestimi i tij u bë pasi ky shtetas ka kanosur duke qëlluar në ajër me armë zjarri në ajër shtetasin L.P.,51 vjeç, banues në Krujë. Në cilësinë e provës materiale u sekuestruan arma e zjarrit pushkë, dhe një kuti me 1000 fishekë luftarakë.
Materialet i kaluan Prokurorisë pranë Gjykatës së Shkallës së Parë Durrës për veprat penale "Kanosja" dhe "Prodhimi dhe mbajtja pa leje e armëve luftarake dhe municionit".
