Policia italiane ka kapur një tjetër gomone me drogë në ujërat e Adriatikut, në vijim të luftës kundër trafikut të drogës.
Kontrolli i imtësishëm i gomones çoi në sekuestrimin e 352 kg marijuanë e ndarë në 222 pako. Droga e kapur mund t’i sillte organizatave kriminale një vlerë përfitimi prej mbi 3 milionë euro, shkruajnë mediat italiane.
Në pranga është vënë skafisti, një 41-vjeçar italian banues në qytetin e Lecces. Operacioni është kryer në bashkëpunim me repartin e Financës italiane pozicionuar në portin e Durrësit.