Kërcënon punonjësit e bashkisë se po kryenin punime afër tokës së tij, prangoset

08/11/2019 - 11:02

Një 61-vjeçar është arrestuar nga policia e kryeqytetit në Kamëz pasi akuzohet se kërcënoi për shkak të detyrës punonjësit e bashkisë.

Mësohet se në kuadër të operacionit policor të koduar “Valiasi”, në pranga ka rënë shtetasi me inicialet R.S., banues në Valias i ri.

NJOFTIMI I POLICISË

Finalizohet operacioni policor i koduar “Valiasi”.

Falë ndërhyrjes së shërbimeve të patrullës të përgjithshme të Komisariatit të Policisë Nr. 5 parandalohet një ngjarje e rëndë kriminale.

Në pranga një 61-vjeçar, i cili kërcënoi për shkak të detyrës punonjësit e Bashkisë Kamëz.

Sekuestrohet në cilësinë e provës materiale një armë zjarri pushkë dhe fishekë luftarakë.

Shërbimet e Komisariatit Nr. 5 arrestuan në kuadër të operacionit policor të koduar “Valiasi”, shtetasin:

R. S., 61 vjeç, banues në Valias i ri, në Kamëz.

Ky shtetas është konfliktuar për shkak të detyrës me punonjësit e Bashkisë Kamëz, të cilët po kryenin punime në një tokë në kufi me tokën e shtetasit R. S. dhe gjatë momentit që ky shtetas po futej në banesë i ka kërcënuar me fjalë për jetën punonjësit e Bashkisë Kamëz.

Me marrjen dijeni për rastin, në vendngjarje kanë mbërritur menjëherë dy shërbime të patrullës dhe specialistë për parandalimin dhe hetimin e krimit, të cilët kanë parandaluar përshkallëzimin e konfliktit dhe gjatë kontrollit të banesës dhe ambienteve në pronësi të këtij shtetasi, Policia gjeti një armë zjarri pushkë dhe fishekë luftarakë, të cilat u sekuestruan në cilësinë e provës materiale.

Në përfundim të veprimeve të para hetimore u bë arrestimi në flagrancë i shtetasit R. S., për veprën penale “Mbajtja pa leje e armëve luftarake dhe e municionit”.

/portali DurresLajm/

Video: 
Na bëni like në facebook!: 

Lajme nga e njëjta kategori

Një krim i rëndë u shënua mbrëmë që përfundoi me vrasjen e dy vëllezërve nga Kruja.

Një shpërthim i fuqishëm tritoli është dëgjuar këtë mbrëmje, në qytetin e Vlorës.

Një sherr me sende të forta ka ndodhur në Krujë mes dy personash, R.D, dhe A.C. Ata janë goditur me sende të forta në Krujë.

Në orët e para të mëngjesit të sotëm, karabinierët në Frosinone të Italisë arrestuan 23 persona si të dyshuar të përfshirë në një rrjet t

Një makinë policie ka dalë nga rruga dhe për pasojë kanë mbetur të lënduar dy efektivë policie në Lezhë.

Grabitet një prej pikave të dhënies së kredive "Kredo.al" në Korçë në lagjen nr. 7.

Policia ka arrestuar në flagrancë një elektricist të OSHEE Tepelenë.

Arrestohen në flagrancë dy persona me banim në Korçë, pasi në makinë iu gjetën 30 kg hashash.

Policia italiane në orët e para të mëngjesit të sotëm kanë ekzekutuar një operacion antidrogë, i cili ka çuar në shkatërrimin e një grupi

Një i ri është vetëplagosur me armë zjarri në Kurbin, dhe më pas është arrestuar nga policia për armëmbajtje pa leje.