Kontrolle të befasishme në lokale, arrestohet "i forti" dhe i shpalluri në kërkim (EMRAT)

10/10/2018 - 11:13

FNSH në bashkëpunim me Policinë Vendore Lushnje e Fier kanë kryer kontrolle të befasishme për kapjen e personave që qarkullojnë me armë zjarri dhe personave të shpallur në kërkim.

Kontrollet janë kryer në lokale dhe ambiente të ndryshme si edhe në akset rrugore kryesore e dytësore të qytetit të Fierit dhe Lushnjes, ndërsa ka rënë në pranga shtetasi Ilir Boriçi, 42 vjeç, banues në Fier.

Nga kontrolli i ushtruar në lokalin në lagjen “8 Shkurti” Fier, shtetasit Ilir Boriçi iu gjetën 2 armë zjarri pistoletë dhe një shpatë. Boriçi është pjesë e grupit të quajtur “Boriçët”, grup me precedent kriminal kryesisht në fushën e krimeve kundër personit.

Shtetasi i lartëpërmendur është arrestuar nga Policia 5 herë për veprat penale “Tentativë vrasje”, “Kanosje”, “Shkatërrim prone” dhe “Armbajtje pa leje”.

Aktualisht ky shtetas ishte në masën “Detyrim paraqitje” për veprën penale “Armbajtje pa leje”, “Kanosje” dhe “Shkatërrim prone”.

Gjithashtu, po në kuadër të kontrolleve të ushtruara u bë e mundur kapja dhe ndalimi i shtetasit të shpallur në kërkim Said Dervishi, 25 vjeç, banues në Lushnje.

Gjykata e Rrethit Gjyqësor Lushnje ka caktuar masën e sigurimit “Arrest me burg” për veprat penale “Kanosje” dhe “Prodhimi dhe mbajtje pa leje e armëve dhe municionit luftarak”.

Ky shtetas, 04.09.2018 në kodrat e fshatit Zhamë, gjatë një konflikti për motive pronësie ka qëlluar disa herë me armë zjarri automotik drejt vëllezërve N.M dhe H.M.

/portali DurresLajm/

Na bëni like në facebook!: 

Lajme nga e njëjta kategori

Një 52-vjeçar shqiptar ka rënë në prangat e policisë italiane në San Giorgio Jonico, pasi ka goditur me thikë në bark gruan e tij.

Policia ka shoqëruar në komisariat kryetarin e Partisë Demokratike të Sarandës, Hariz Mema. 

Një 46-vjeçare nga fshati Arrës në Urë Vajgurore, ka tentuar t’i japë fund jetës duke pirë helm.

Policia e Tiranës ka arrestuar një 27-vjeçar pasi është kapur duke qarkulluar me armë zjarri pa leje dhe me makinë të vjedhur, produkt i

Një shpërndarës droge në plazhin e Drimadhës, që kishte gjetur treg pushuesit, u arrestua nga Policia e Vlorës.

Policia e Durrësit ka identifikuar viktimën e radhës që humbi jetën sot në plazhin e Durrësit.

Një i ri nga Kruja ka humbur në plazhin e Shëngjinit para pak orësh.

Dy shqiptarë janë arrestuar në Tenneville, nën akuzën e trafikut të drogës.

Një bandë që shpërndante kokainë në ishullin e VIP-ave në Greqi, Mykonos, është shkatërruar nga policia.

Një person ka mbetur i plagosur si pasojë e një aksidenti që ka ndodhur në rrugën Shkodër Velipojë, pranë fshatit Bërdicë.