Kundërshtuan efektivët, policia e Durrësit sqaron episodin me dy shtetas

13/08/2019 - 17:51

Policia e Durrësit sqaron përmes një reagimi publik një video të publikuar në rrjete sociale për shoqërimin në komisariat të një shtetasi.

Sipas policisë, shtetasi S.M. dhe pasagjeri R.T. janë shoqëruar në komisariat pa ushtruar dhunë ndaj tyre. Mbi të dy shtetasit rëndon akuza për veprën penale "Mosbindja ndaj urdhërit të punonjësit të policisë së rendit publik ".

Njoftimi i policisë:

Drejtoria Vendore e Policisë Durrës

Në lidhje me një video të publikuar në rrjetet sociale ku paraqitet një shtetas, i cili është shoqëruar nga shërbimet e Komisariatit të Policisë Durrës, ju sqarojmë se:

Shërbimet e Policisë, në zbatim të detyrave funksionale, kanë ndaluar shtetasin S.M., për të kryer verifikim të dokumentacionit të mjetit.

Shtetasi i mësipërm nuk i është bindur urdhërit të punonjësve të policisë për të treguar dokumentacionin e mjetit, por i ka kundërshtuar në mënyrë të vazhdueshme.

Edhe pasagjeri në mjet, shtetasi R.T., ka kundërshtuar punonjësit e policisë për t'i ardhur në ndihmë drejtuesit të mjetit me qëllim që drejtuesi i mjetit të mos kryente testin e alkoolit dhe të shmangte verifikimin e dokumentacionit të mjetit.

Në vijim të dy shtetasit janë shoqëruar forcërisht në ambientet e Komisariatit të Policisë, pa ushtruar në asnjë moment dhunë fizike ndaj tyre.

Drejtuesit të mjetit i është bërë testi i alkoolit nga punonjësit e qarkullimit rrugor dhe u konstatua se drejtonte mjetin nën ndikimin e alkoolit 0.38 mg/l.

Konform procedurave ligjore shtetasi S.M., (drejtuesi i mjetit) është proceduar për veprën penale "Mosbindja ndaj urdhërit të punonjësit të policisë së rendit publik", si dhe i është pezulluar leja e drejtimit.

Gjithashtu edhe shtetasi R.T., (pasagjer në mjet) është proceduar për veprën penale "Mosbindja ndaj urdhërit të punonjësit të policisë së rendit publik ".

Policia e Durrësit është e angazhuar në zbatim të ligjit me qëllim, parandalimin dhe goditjen e paligjshmërisë për të krijuar një ambient shoqëror sa më të sigurtë dhe fton cilindo që konstaton abuzim me detyrën nga ana e punonjësve të policisë që të telefonojë në numrin 112, apo në numrin 0800 90 90, si dhe të dërgojë imazhe në Komisariatin Dixhital, duke ju garantuar anonimat të plotë dhe një reagim të shpejtë e të paanshëm.

/portali DurresLajm/

Na bëni like në facebook!: 

Lajme nga e njëjta kategori

Personi që shikoni në foto, i rrethuar me të kuqe është Vilson Tafçiu (Noka), 28-vjeçari që u ekzekutua me armë zjarri, mbrëmjen e sotme

Vilson Tafçiu, 28-vjeç, ka mbetur i vrarë me armë zjarri mbrëmjen e sotme në një lokal në zonën e Astirit, në Tiranë.

Një aksion i gjerë policor anti-drogë po zhvillohet në Bashkinë Memaliaj.

Mësohet emri i viktimës së atentatit të ndodhur para pak minutash në zonën e Astirit në Tiranë.

Një ngjarje e rëndë është shënuar pak më parë në Tiranë në zonën e Astirit, ku mësohet se ka mbetur i vrarë me armë zjarri një 35-vjeçar.

Një plagosje me armë ka ndodhur mbrëmjen e sotme në kryeqytet, në zonën e njohur si Astiri.

16 kg heroinë është kapur në portin e Ankonës nga Guardia di Finanza.

Një aksident i rëndë sapo ka ndodhur në hyrje të qytetit të Pogradecit. Në vendin e quajtur Tuneli, dy makina janë përplasur me njëra-tje

Karabinierët e stacionit policor në Marche, natën mes të shtunës dhe të dielës, kanë mundur të çmontojnë një grup kriminal hajdutësh, që

Mesditën e sotme ka ndodhur një sherr me armë të ftohta mes disa të rinjsh pranë Fakultetit të Historisë dhe Filologjisë në Tiranë.