Kush ishte Jurgen Kurti, menaxheri i VIP-ve që u akuzua edhe për një vrasje në Durrës

18/03/2019 - 23:01

Viktima e sotme në Tiranë Jurgen Kurti nuk është një emër i panjohur për policinë por dhe për publikun shqiptar. Ai njihet si menaxher i VIP-ve dhe u arrestua para disa vitesh për vrasjen e babaiat të tij, por kur daja pranoi krimin Kurti u la i lirë.

Ai po ashtu akuzohet si i përfshirë në një sherr ku mbeti i vrarë pronari i një marketi në Durrës në 2017.

VRASJA E JURGEN KURTIT

Policia e Tiranës sqaron se vrasja ndodhi rreth orës 22:20, në rrugën “Zef Jubani”, në rrethana ende të paqarta. Jurgen Kurti rreth 26 vjeç është vrarë me armë zjarri.

Grupi hetimor po punon për zbardhjen e rrethanave të ngjarjes, identifikimin dhe kapjen e autorit/ve.

Sherbimet e Policisë po krehin zonën si dhe janë ngritur pika kontrolli për kapjen e autorit/eve

PSE HUMBI JETËN PRONARI I MARKETIT NË DURRËS

Nga ekspertiza mjeko- ligjore u vërtetua se shtetasi Agim Arapi ka ndërruar jetë për shkak të problemeve që ka pasur me zemrën, ku nuk ka përballuar dot goditjet me grushta, të kryera nga autorët.

Pavarësisht se në vendin e ngjarjes është gjetur një thikë dhe fillimisht u tha se Arapi ishte qëlluar me thikë dhe kishte ndërruar jetë për shkak të plagëve të marra, policia në njoftimin zyrtar të sotëm, deklaron se 51-vjeçari ka vdekur për shkak të një ataku kardiak.

Ndërkohë policia e Durrësit shfajëson edhe Jurgen Kurtin, dhëndrin e një prej autorëve të dyshuar, pasi sipas policisë ai nuk ka marrë pjesë në rrahjen e viktimës.

Pak minuta pas ngjarjes efektivët e policisë së Durrësit arrestuan autorët e dyshuar, vëllezërve: Kostandin Ekonomi 54 vjeç dhe Kujtim Ekonomi 50 vjeç, banues në Durrës.

Policia deklaron se Jurgen Kurti, u shoqërua mbrëmë në polici. Për sa i përket rolit të tij, policia thotë se viktima ia ka kërkuar paratë për tubin e aspirimit Jurgenit, por më pas kanë ndërhyrë dy vëllezërit Ekonomi, një prej tyre vjehrri i të riut dhe e kanë futur në market ku e kanë rrahur brutalisht sa ka humbur jetën për shkak të problemeve me zemrën. “Gjatë kësaj kohe shtetasi Jurgen Kurti ka qenë jashtë dyqanit ushqimor (qepeni ishte i mbyllur dhe brenda ndodheshin viktima dhe autorët)”, deklaron zyrtarisht policia.

Ngjarja e rëndë ndodhi mbrëmjen e 11 prillit 2017, rreth orës 19:55 në lagjen Nr.1 Durrës, në dyqanin ushqimor, në pronësi të Agim Arapit.

/portali DurresLajm/

Na bëni like në facebook!: 

Lajme nga e njëjta kategori

Një restorant është përfshirë nga flakët gjatë natës në qytetin e Lezhës.

Policia njofton se ka shpallur në kërkim dy vëllezër pasi dyshohet se kanë qëlluar me armë zjarri në drejtim të shtetasit  B.D.

Gjykata Elbasanit ka lënë në burg 4 nga 7 drejtuesit e Partisë Demokratike në qytetin e Elbasanit të cilët u arrestuan se më datë 13 qers

Një 43-vjeçar ka humbur jetën në ambjentet e punës pasi është rrëzuar nga skela.Policia bën më dije se ngjarja e rëndë ka ndodhur rreth o

Një kalimtare është aksidentuar nga një autoambulancë paraditen e sotme tek ish-Restorant Durrësi në Tiranë.

Detaje të reja kanë dalë nga aksidenti tragjik i ndodhur mëngjesin e sotëm në Tiranë, ku humbën jetën 3 pjesëtarë të së njëjtës familje.

Një ngjarje e rëndë ka tronditur qytezën Kunzell në Gjermani.

Një aksident i rëndë ka ndodhur në aksin rrugor Elbasan-Tiranë.

Një aksident i rëndë është regjistruar mbrëmë në kryeqytet.

Një 25-vjeçar nga Kosova humbi jetën të premten në Gjermani pas një aksidenti fatal me skavator.