Marrin peng 31-vjeçarin, policia aksion për shpëtimin e tij, 1 në pranga

18/10/2019 - 11:43

Merret me forcë në automjet një 31-vjeçar, por falë reagimit të mënjehershëm të Policisë, vihet në pranga njëri nga pengmarrësit, shpallen në kërkim 3 të tjerë, si dhe ndiqet penalisht në gjendje të lirë 1 tjetër.

Policia njofton se ngjarja ka ndodhur më datë 17.10.2019, rreth orës 03:40, kur Policia e Komisariatit Mat ka marrë informacion se në lagjen “Pjetër Budi”, në Burrel, po ndodhte një konflikt mes disa personave.

Menjëherë shërbimet e Policisë kanë nisur hetimet për verifikimin e rastit dhe rezultoi se shtetasi S. L., në bashkëpunim me shtetasit L. I., M. B., S.L., dhe I.K, për shkak të një konflikti të hershëm dyshohet se nën kërcënimin e armës ka marrë me forcë në automjet shtetasin A. H., 31 vjeç dhe më pas e ka dërguar në banesën e shtetasit I. K., në fshatin Batër e Madhe, Burrel.

Falë reagimit të mënjehershëm të Policisë dhe hetimeve të kryera nga ekspertët e Policisë është bërë i mundur arrestimi i shtetasit:

S. L., 32 vjeç, banues në Burrel.

U shpallën në kërkim dhe po punohet për kapjen e shtetasve: S. L., 31 vjeç, L. I, 34 vjeç, M. B., 24 vjeç, të gjithë banues në Burrel.

Si dhe procedohet penalisht në gjendje të lirë shtetasi I. K.

/portali DurresLajm/

Na bëni like në facebook!: 

Lajme nga e njëjta kategori

Operacioni "Muzgu" ka prangosur një shtetas shqiptar të shpallur në kërkim ndërkombëtar për “Shfrytëzim prostitucioni” dhe “Emigracion i

Një automjet tip "Range Rover" është përfshirë nga flakët e zjarrit mbrëmjen e së mërkurës në Elbasan.

Xhiliano Xhoxhi është personi i arrestuar pak më parë në Elbasan, ndërsa ishte shpallur në kërkim nga policia, pasi Gjykata ka dhënë ndaj

Një ngjarje e rëndë është regjistruar ditën e sotme në qytetin e Vlorës.

Karabinierët arrestuan pesë shqiptarë në Marcianise, në zonën Caserta, për veprën penale grabitje.

Një 34-vjeçar në Vlorë, i cili u gjet i vdekur mëngjesin e sotëm në lagjen “Kushtrimi”, rezulton të jetë vrarë me armë zjarri.

Policia greke ka arritur të arrestojë në fshatin Asproklisi një shtetas shqiptar, i cili është dënuar nga drejtësia helene me 60 vite bur

Mikel Gjovalin Alia është lënë në burg nga Gjykata e Lezhës.

Dy aksidente me pasojë lëndimin e një shtetaseje kanë ndodhur në dy zona të qarkut Elbasan.