Detaje të reja janë zbuluar nga ngjarja e djeshme që ndodhi në Selenicë, ku Mariglen Çobaj dhunoi me bishtin e sëpatës nënë dhe bijë.
Nëna dhe vajza e përfshirë në dhunën nga nipi i familjes, janë ende në ambientet e spitalit të Vlorës duke marrë mjekim.
Vajza A.C. si pasojë e goditjeve ka marrë shembje në krahë dhe këmbë. Ndërsa nëna ka pësuar fraktura të lehtë në krahë si pasojë e ndërhyrjes për të ndarë sherrin.
Sa i përket debatit që solli në gjenerimin e dhunës, mësohet se dy kushërinjtë A. Cobaj dhe Mariglen Cobaj janë konfliktuar me njëri-tjetrin për motive të dobëta .
Debati më pas ka gjeneruar në dhunë fizike, ku Mariglen Cobaj ka qëlluar me bishtin e sëpatës kusherirën A. Cobaj. Në këtë moment ka ndërhyrë nëna e A. Cobaj për t'i ndarë e për pasojë edhe kjo e fundit është goditur.
Ambulanca dhe policia pas marrjes së njoftimit kanë shkuar në vendngjarje në fshatin Gumenicë. Policia ka arrestuar menjëherë shtetasin Mariglen Cobaj.
Cobaj në polici ka deklaruar se kushërira e kishte ofenduar e për këtë situata ishte acaruar.
