Ngjarja në ish-Bllok, Ervin Mata kërkesë Prokurorisë: Dua të flas

14/03/2019 - 14:09

Biznesmeni Ervin Mata, një prej personave të përfshirë në konfliktin e përgjakshëm të 4 tetorit të vitit të kaluar në zonën e ish-Bllokut, i është drejtuar Prokurorisë së Tiranës me një memo, përmes të cilës kërkon të japë shpjegime për ngjarjen, ku një person mbeti i vrarë dhe dy të tjerë u plagosën.

Memoja iu është dorëzuar dy prokurorëve të çështjes, nga avokati mbrojtës, Alban Bengasi, pasi biznesmeni Mata, ndaj të cilit rëndon akuza e vrasjes kryer në bashkëpunim, nuk ka dhënë deri më tani shpjegime për ngjarjen.

Burime nga prokuroria thanë se e kanë administruar kërkesën e Matës dhe javën e ardhshme ai do të thirret për të dhënë versionin e tij për krimin, ku viktimë mbeti Fabian Gaxha, dhe u plagosën biznesmeni Ervis Martinaj e miku i tij Elio Hato, raporton "BalkanWeb". Ervin Mata, i fejuari i këngëtares Elvana Gjata, u lirua nga gjykata vetëm nën masën e detyrimit të paraqitjes.
Vendimi i shkallës së parë është apeluar nga Prokuroria, e cila kërkon kthimin në burg të biznesmenit.

Sipas institucionit të akuzës, gjykata nuk i ka vlerësuar drejt provat dhe faktet duke caktuar një masë sigurie, që nuk i përgjigjet rëndësisë së ngjarjes. I dyshuari Mata u vetëdorëzua në polici, pesë muaj pas ngjarjes së rëndë. Sikurse edhe të dyshuarit e tjerë, edhe ai u lirua nga gjykata.

Për momentin në burg, mbahet vetëm Ervis Martinaj, ndërsa vijon të jetë në arrati komando Meviol Bilo, i cili dyshohet se qëlloi në drejtim të Fabian Gaxhës, në momentin kur ky i fundit nxori armën dhe qëlloi në mes të lokal Monopol. Motiv i krimit, dyshohet të jetë një ngacmim verbal që iu bë jashtë ambienteve të lokalit, të fejuarës së Matës, këngëtares Elvana Gjata.

/portali DurresLajm/

Na bëni like në facebook!: 

Lajme nga e njëjta kategori

Policia italiane ka arrestuar një 36-vjeçar shqiptar pasi u kap me 85 gramë kokainë.

Policia spanjolle ka arrestuar një shqiptar dhe një grua nga Irani pasi tentuan të udhëtonin me avion nga Malaga në Londër duke përdorur

Një 26-vjeçar është arrestuar nga policia pasi ka plagosur të ëmën dhe një person tjetër në Vlorë.

Gjykata e Tiranës la në fuqi masën e sigurisë “arrest në burg” për protestuesin Marash Qerimi, i arrestuar dy ditë më parë.

Gjykata për Krimet e Rënda ka refuzuar kërkesën e pestë për lirim nga qelia të Altin Avdylit, i arrestuar si pjesë e grupit të Avdylajve.

Policia ka arrestuar 4 persona në Tiranë për trafikim droge, ndërsa 2 të tjerë janë proceduar në gjendje të lirë.

Policia e Shtetit ka arrestuar një 28-vjeçar të shpallur në kërkim ndërkombëtar me qëllim ekstradimin drejt Italisë.

Dy persona kanë mbetur të plagosur teksa po peshkonin me lëndë plasëse në Sarandë.