Një italiane u përball me shqiptarin që rrahu babain në avionin Tiranë – Romë

03/06/2019 - 22:23

40 minuta frikë për pasagjerët e fluturimit të “Blue Express Panorama” të nisur nga Tirana në orën 16.45 për në Romë. Sipas “La Repubblica” një pasagjer shqiptar rreth 30 vjeç, vetëm pak minuta nga nisja ka nisur të bërtasë me zë të lartë ndaj pasagjerëve të tjerë dhe në një moment është kthyer nga babai i tij që ishte ulur pranë dhe ka nisur ta godasë atë pa pushim.

Kanë ndërhyrë disa pasagjerë të tjerë dhe personeli të cilët i kanë kërkuar të qetësohet, por i riu ishte gjithnjë edhe më shumë i irrituar. Duke parë aktet e dhunës ndaj të atit të moshuar dhe kërcënimet ndaj pasagjerëve të tjerë, “La Repubblica” shkruan se ka ndërhyrë, Simona Gori, drejtore e përgjithshme e kompanisë italiane “Consulcesi Group”, e cila ka arritur ta qetësojë për një moment duke e bërë që ai të flasë për problemet e tij. Avioni bëri ulje të detyruar në Pescara ku 30-vjeçari u arrestua ndërsa babai i tij u dërgua në spital.

“Në fillim pata frikë sepse ai djali po kërcënonte pasagjerët duke u thënë se kishte një pistoletë. Ishte shumë i zemëruar, bërtiste fort dhe qëllonte me grushte në fytyrë të atin që përpiqej ta qetësonte. Kuptova që kishte nevojë të fliste sepse u kërkonte ndihmë grave italiane që ishin në fluturim” – rrëfen Simona Gori që ishte ulur vetëm disa sedilje larg nga shqiptari.

“Thoshte se kishte një borxh prej 40 mijë eurosh dhe se i kishin marrë peng gruan. Vendosa të ndërhyj duke i thënë se si mund ta ndihmoja. I kërkova të më tregonte historinë e tij” –rrefen menaxherja.

“Ata u qetësuan për disa minuta dhe unë po përpiqesha ta mbaja në bisedë edhe duke i tërhequr vëmendjen nga babai i tij i moshuar që vijonte ta godiste. I ofrova ujë dhe i shpjegova që nuk i kisha ato para në ato momente, por mund të flisnim për atë që kishte ndodhur. Unë punoj në një kompani që është lider në trajnime dhe jam mësuar se si të përballem me njerëzit.

Në atë moment po bëhej më pak agresiv duke mos e ngacmuar të atin. I kërkova komandantit nëse mund të ulesha pranë tij në mënyrë që të flisja më mirë, por nuk më lejoi. Kishte shumë tension te pasagjerët, pati shumë frikë kur ai nisi të kacavirrej nëpër sedilje duke iu drejtuar fundit të avionit. Së fundmi u ulëm në Pescara kur në bord u ngjitën policët që e morën me vete” – tha italiania.

Një aventurë e shëmtuar, por për pasagjerët pati shumë frikë. Avioni u rinis dhe u ul në Fiumicino rreth orës 19.30. 

/portali DurresLajm/

Na bëni like në facebook!: 

Lajme nga e njëjta kategori

Një gjykatë në New York, dënoi me 22 vjet heqje lirie një shqiptar me vendbanim në Bronx, që synonte të bëhej pjesë e grupit ekstremist S

Finalizohet operacioni antikontrabandë i koduar “Gorica”.

Policia e Durrësit ka arrestuar 52-vjeçarin i cili dy netë më parë ka aksidentuar për vdekje shtetasin E.H., 36 vjeç, dhe u largua nga ve

Një 36-vjeçar shqiptar është gjetur i vdekur mëngjesin e të dielës në burgun e Agias në Hania.

Interpol Tirana, në bashkëpunim me Interpol Kopenhagen kanë ekstraduar nga Danimarka në Shqipëri një shtetas grek, për të cilin Gjykata e

Policia e Shkodrës ka finalizuar me sukses operacionin “Buna”, duke arrestuar tre persona dhe sekuestruar armë zjarri, municion luftarak

Një aksion i gjerë është zvhilluar nga Policia e Korçës, duke çuar në pranga 1 doganier, 3 punonjës të Policisë Kufitare, 1 shtetas, si d

Një 28-vjeçar me iniciale L.B është gjetur i mbytur në një kanal vaditës afër banesës së tij në fshatin Kullaj të Shkodrës.

Autoritetet irlandeze kanë arrestuar një ditë më parë dy shqiptarë, të afërm me njëri-tjetrin.

Një aksident ka ndodhur në afërsi të fshatit Rembec në Korçë.