Operacioni "BIZARK", sekuestrohet pasuria e grupit kriminal në Durrës

17/07/2019 - 15:48

Finalizohet një tjetër operacion në bashkëpunim me Prokurorinë e Krimeve të Rënda, për sekuestrimin e aseteve dhe pasurisë që rrjedhin nga veprimtaria kriminale.

Finalizohet faza e dytë e operacionit policor “BIZARK”.

Vendoset sekuestro preventive mbi llogari bankare, truall dhe ranishte në pronësi të pjesëtarëve të një grupi të strukturuar kriminal.

Njësia Hetimore pranë Task-Forcës Speciale Qendrore, në Departamentin e Policisë Kriminale, nën drejtimin e Prokurorisë pranë Gjykatës së Shkallës së Parë për Krime të Rënda dhe në bashkëpunim me Agjencinë për Administrimin e Pasurive të Sekuestruara dhe të Konfiskuara, zhvilloi fazën e dytë të operacionit policor “BIZARK”, për veprat penale “Pastrimi i produkteve të veprës penale ose i veprimtarisë kriminale”, në bashkëpunim dhe “Grup i strukturuar kriminal”, faza e parë e të cilit është finalizuar në datën 24.06.2018.

Në këtë kuadër u bë ekzekutimi i vendimit të Gjykatës, duke vënë nën sekuestro preventive disa pasuri të luajtshme dhe të paluajtshme të shtetasve shqiptarë me iniciale: A. M., A. V., A. D., Gj. C. dhe K. M.

Bazuar në Vendimin e Gjykatës së Shkallës së Parë për Krime të Rënda, u vendosën nën sekuestro pasuritë:

–          Shuma prej 72 000 € Eurosh në llogarinë e Shoqërisë me inicialet  “TRC” sh.p.k, pranë një banke të nivelit të dytë;

–          Ranishte me sipërfaqe 11 167 m2 e ndodhur në fshatin Draç, Ishëm, në Gjirin e Lalzit, Durrës.

–          Ranishte me sipërfaqe 140 m2 e ndodhur në fshatin Draç, Ishëm, në Gjirin e Lalzit, Durrës.

–          Toke Arë me sipërfaqe 873 m2 e ndodhur në fshatin Draç, Ishëm, në Gjirin e Lalzit, Durrës.

–          Truall me sipërfaqe 404,5 m2 + godinë banimi 2 katëshe, sipërfaqe banimi kati përdhe 147,6 m2,  sipërfaqe verandë + shkallë 10,9 m2 + sipërfaqe banimi kati i parë 158,5 m2, e  ndodhur në Njësinë Bashkiake Nr.11 Tiranë.

Vazhdojnë veprimet procedurale në bashkëpunim me Agjencinë për Administrimin e Pasurive të Sekuestruara dhe të Konfiskuara, për kalimin në administrim nga shteti të të gjitha këtyre pasurive.

Policia e Shtetit është e vendosur që nëpërmjet strukturave të specializuara të saj, në bashkëpunim të ngushtë me Prokurorinë dhe agjencitë e tjera ligjzbatuese, të gjurmojë, evidentojë dhe sekuestrojë të gjitha pasuritë që rrjedhin nga veprimtaritë kriminale.

/portali DurresLajm/

Na bëni like në facebook!: 

Lajme nga e njëjta kategori

Një 19 vjeçar nga Elbasani humbi jetën mëngjesin e sotëm në Kremona pasi u përplas nga një furgon, ndërsa po shkonte me motorrin e tij në

Në muajin korrik 20-vjeçarja shqiptare Sabrina Lekaj u gjet e vrarë në Adelaide të Australisë dhe i dyshuar për këtë krim ishte babai i s

Një i ri shqiptar ka ndërruar jetë mëngjesin e sotëm si pasojë e një aksidenti në Itali.

Edhe pse ka kaluar 24 orë nga gjetja e një trupi të dekompozuar në detin Adriatik nga një peshkarexhë që lundronte në ujërat e Durrësit,

Policia e Tiranës ka finalizuar operacioni policor antikanabis të koduar "Fag" duke goditur një rast të tentativës për kultivim të bimëve

Policia Rrugore e Durrësit vijon zbatimin e planit të masave për përballimin e fluksit gjatë sezonit turistik veror dhe rritjen e paramet

Policia ka arrestuar një 25-vjeçar në Elbasan pasi qarkullonte me armë zjarri.

Një 53-vjeçar është gjetur i pajetë mëngjesin e sotëm në afërsi të lumit Devoll në Gramsh. 

Ditën e djeshme rreth mesditës në  Gjermani, është raportuar për një vrasje të dyfishtë.

Një ngjarje aspak e zakontë ka ndodhur në Itali dhe protagoniste e saj ka qenë një grua shqiptare. Mediet fqinje raportojnë se një 60-vje