Oriz në vend të kokainës nga Pireu në Durrës, kush është oficeri i arrestuar

27/09/2019 - 10:55

Detaje të reja dalin në dritë nga operacioni antidrogë Shqipëri-Greqi, ku u sekuestruan 1 kg kokainë, e cila kishte ardhur me kontejner në portin e Durrësit. Në një lidhje direkte për ‘News24’ gazetarja Klodiana Lala tregoi të dhëna nga dosja e operacionit në fjalë, ku brenda kontejnerëve që vinin nga Ekuadori ishte fshehur kokaina. Nga aksioni u arrestua Ardian Bega, oficer i sigurisë në portin e Durrësit, shtetasi Altin Myslimhaka, si dhe është shpallur në kërkim shtetasi me inicialet G.M. Mësohet se skema e trafikut Ekuador-Pire-Shqipëri, kishte pak ditë që po hetohej nga policia greke.

Ngarkesa e kokainës, e cila ishte nisur nga Ekuadori me 2 kontejner, me një sasi prej 45 kg, pasi u pikas nga policia greke, u zëvendësua me oriz në përpjekje për të futur në kurth porositësit, duke lënë vetëm 1 kg. Pasi e ambalazhuan drogën në mes të orizit, policia brenda tyre vendosi edhe gps (aparat lokalizues). Po ashtu gazetarja tha se dy kontejnerët kishin mbërritur në portin e Pireut në datën 26 gusht, ndërsa në 19 shtator ata mbërritën në portin e Durrësit (Në kontejnerin e parë ishin 25 kg dhe 231 gr kokainë dhe në të dytin 20 kg dhe 500 gr kokainë).

Pasi u vunë në dijeni nga autoritetet greke, policia shqiptare ndërmori masat, ndërsa prokuroria çeli procedim penal. Mësohet se në portin e Durrësit kanë qenë 4 oficerë policie që mbikëqyrnin kontejnerët, ndërsa operacioni vëzhgohej dhe nga një pallat përballë portit. Pasi ngarkesa në fjalë u mor nga oficeri i sigurisë së Portit, i cili u takua me shtetasin me inicialet G.M. Ky i fundit bashkë me Begën arritën të merrnin ngarkesën, të cilën e hodhën jashtë një makine me targa franceze, pasi pikasën se mbështjellja e drogës ishte e dyshimtë.

/portali DurresLajm/

Na bëni like në facebook!: 

Lajme nga e njëjta kategori

Ai ka realizuar rreth 1.300 furnizime me drogë në dy vjet, por të shtunën e shkuar natën vonë u arrestuar nga policia.

Policia e Tiranës ka dalë në një informacion paraprak lidhur mbi vrasjen e ndodhur gjatë pasdites në Fushë-Prezë, ku një 70-vjeçar u gjet

Të shtëna me armë zjarri në Prezë.

Kapet dhe arrestohet në flagrancë nga shërbimet e Komisariatit të Policisë Kavajë, një 21-vjeçar që kryente vjedhje të ndryshme.

Policia e Qarkut Lezhë vijon kontrollet për zbatimin e protokolleve të sigurisë, me qëllim parandalimin e përhapjes së COVID-19.

Policia e Tiranës njofton se ka arrestuar 26-vjecarin që një ditë më parë aksidentoi biçiklistin e mitur, i cili si pasojë e plagëve ndër

Një 34-vjeçar është arrestuar nga policia e Durrësit për veprën penale "Kundërshtimi i punonjësit të policisë së rendit publik".

SPAK ka sekuestruar sot 26 pasuri të paluajtshme të Ylli Ndroqit, pronar i televizionit Ora News.

Koronavirusi vazhdon të marrë jetë njerëzish, ndërsa nuk kursen as të rinjtë.