Një aksident i rëndë ka ndodhur në autostradën Tiranë-Durrës, ku një person ka mbetur i vdekur.
3 automjete janë përplasur me njëri-tjetrin në zonën e Vorës duke lënë tre persona të plagosur.
Tre të plagosurit janë dërguar në Spitalin e Traumës në Tiranë dhe rrugës ka ndërruar jetë njëri prej tyre.
Viktima ishte një nga drejtuesit e mjeteve me inicialet D.K., 30-vjeç, i cili sipas informacioneve zyrtare dyshohet se ka ndërruar jetë nga arresti kardiak.
Ndërkohë një tjetër drejtues mjeti, me inicialet G.Z., ndodhet në spital nën kujdesin e mjekëve jashtë rrezikut për jetën.
Nuk dihen ende shkaqet e aksidentit të ndodhur në mesditën e sotme.
Tiranë/Informacion paraprak
Në rrugën dytësore Vorë, drejt Doganës janë përplasur 3 mjete, si pasojë e përplasjes gjatë transportimit në spital ka nderruar jetë drejtuesi i njërit prej mjeteve shtetasi D. K rreth 30 vjeç.
Ndërsa shtetasi G. Z drejtuesi i njërit prej mjeteve ndodhet në spital nën kujdesin e mjekëve jashtë rrezikut për jetën.
Në vendngjarje ndodhet grupi hetimor ku vijon punën për zbardhjen e rrethanave dhe shkakut të aksidentit.
Paraprakisht dyshohet se shkaku i vdekjes së shtetasit D. K, mund të ketë ardhur si pasojë e arrestit kardiak.
