I riu që shihni në fotografi është 25-vjeçari Klajdi Ngjelina, i cili mbeti i vdekur në aksidentin e ndodhur këtë pasdite në Gjirokastër, te “Ura e Kardhiqit”, ku një makinë u përplas me një zetor.

Klajdi Ngjelina ndodhej në mjetin tip zetor, bashkë me një të afërm, i cili mbeti i plagosur rëndë dhe u transportua drejt spitalit Rajonal të Gjirokastrës.

Makina tip Volkswagen që u përplas me zetorin, drejtohej nga 21-vjeçari me inicialet E.Gj nga Kavaja, i cili nuk raportohet të ketë pësuar lëndime.

Nga përplasja, sipas policisë, gjeti vdekjen 25-vjeçari Klajdi Ngjela, djali i drejtuesit të traktorit, ndërsa u plagos i ati i tij.

Policia po heton mbi shkaqet e aksidentit.