Polica kap në flagrancë 45-vjeçarin, në kërkim një tjetër

19/10/2019 - 09:33

Policia e Durrësit në vijim të kontrolleve në banesa dhe në territor për drogë, ka goditur dy raste të mbajtjes së lëndëve narkotike në banesa, nga ku sekuestrohen rreth 5 kg kanabis.

Arrestohet në flagrancë njëri prej poseduesve të lëndës narkotike, ndërsa poseduesi tjetër shpallet në kërkim. Gjatë kontrolleve, kapet dhe ndalohet edhe një person i shpallur në kërkim.

NJOFTIMI I POLICISË

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve si për kapjen e personave të shpallur në kërkim, strukturat e Drejtorisë Vendore  të Policisë Durrës kanë vijuar kontrollet e pandërprera të territorit dhe në banesa ku mund të fshiheshin persona të shpallur në kërkim, apo mund të kishte lëndë narkotike.

Si rezultat i kontrolleve nga Policia e Krujës është kapur dhe arrestuar në flagrancë shtetasi A. D., 45 vjeç, banues në fshatin Verjon, Krujë, pasi  gjatë kontrollit të ushtruar në banesën e tij, Policia gjeti dhe sekuestroi rreth 1.5 kg lëndë narkotike cannabis sativa.

Gjithashtu u shpall në kërkim shtetasi L. D., 20 vjeç, banues në fshatin Verjon, Krujë dhe vijon puna për kapjen e tij, pasi gjatë kontrollit në banesën e tij Policia gjeti dhe sekuestroi rreth 3.5 kg lëndë narkotike cannabis sativa.

Po gjatë kontrolleve, Policia e Krujës bëri të mundur kapjen dhe ndalimin e një shtetasi të shpallur në kërkim për veprën penale "Kultivimi i bimëve narkotike". Specialistët për Hetimin e Krimit në Komisariatin e Policisë Krujë bënë  ekzekutimin e vendimit penal të vitit 2019  për shtetasin K. H., 48 vjeç, banues në Krujë, pasi Gjykata e Shkallës së Parë Krujë ka caktuar masën e sigurisë "Arrest në burg", në mungesë.

Kontrollet do vijojnë edhe në ditët në vazhdim për të parandaluar dhe goditur paligjshmërinë.

/portali DurresLajm/

Na bëni like në facebook!: 

Lajme nga e njëjta kategori

Një punonjës bashkie ka humbur jetën pasditen e sotme në rrethana të paqarta. Sopot Kamberi, me detyrë përgjegjës i gjendjes civile në De

Një 47-vjeçar shqiptar është dënuar me dy vjet e katër muaj burg nga gjykata e Swindonit, pasi u kap me drogë. Sipas mediave britanike, 4

Një 20-vjeçare është kapur nga policia në Rinas me 12.450 euro të padeklaruara në doganë.

Një sherr mes vëllezërve ka çuar njërin prej tyre në pranga. Ngjarja në fjalë ndodhi në Kombinat.

Një 60-vjeçar është plagosur si pasojë e përplasjes së një "triçikli" me një makinë tip "Volkswagen".

Një përplasje me armë zjarri ka ndodhur në qytetin e Korçës. Ngjarja ka ndodhur në lagjen nr.17 të qytetit.

Është ndalur ish-punonjësja e postës në Levan të Fierit, e cila ka qenë në kërkim për veprën penale "Vjedhje duke shpërdoruar detyrën".

Pas arrestimit të Astrit Thaçit, 27-vjeçarit nga Durrësi, i cili kreu grabitje me armë në Elbasan, Tiranë dhe Durrës, dy persona të tjerë

Furgoni i Drejtorisë së Burgjeve është përfshirë në një aksident mëngjesin e sotëm, dhe për pasojë një polic ka mbetur i lënduar.

Një ngjarje e rëndë është shënuar në Itali, ku një shqiptar ka mbetur i vrarë si pasojë e goditjeve me thikë.