Policia gjobit 356 qytetarë që nuk mbanin maskë

18/10/2020 - 18:35

Policia e Shtetit ka vijuar kontrollet në rrugë dhe njofton se ka gjobitur disa qytetarë, të cilët janë kapur pa maskë.

Në një njoftim për mediat, autoritetet bëjnë me dije se gjatë 24 orëve të fundit, efektivët kanë konstatuar një ulje të ndjeshme të qytetarëve që nuk zbatojnë masën për mbajtjen e detyrueshme të maskës.

Shërbimet e Policisë në të gjithë vendin kanë vendosur 356 masa administrative me vlerën 3.000 lekë secila ndersa 7 qytetarë nuk i janë bindur urdhrit të efektivëve për t’u identifikuar të cilët janë shoqëruar në komisariat dhe pas procedurave janë gjobitur dhe janë lënë të lirë.

NJOFTIMI I PLOTË

Vijojnë në të gjithë vendin, kontrollet për monitorimin e zbatimit të masave anticovid.

Krahas përmbushjes së detyrave funksionale për parandalimin, evidentimin dhe goditjen e paligjshmërisë, punonjësit e Policisë kanë vijuar kontrollet në terren, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Gjatë 24 orëve të fundit, shërbimet e Policisë, gjatë kontrolleve, kanë konstatuar një ulje të ndjeshme të qytetarëve që nuk zbatojnë masën për mbajtjen e detyrueshme të maskës. Shumica e qytetarëve, edhe gjatë mbrëmjes së djeshme, edhe gjatë ditës së sotme i kishin vendosur maskat mbrojtëse.

Gjatë kontrolleve janë konstatuar edhe qytetarë që nuk i kishin vendosur maskat dhe për këto raste, shërbimet e Policisë në të gjithë vendin kanë vendosur 356 masa administrative me vlerën 3.000 lekë secila.

Edhe numri i qytetarëve që kanë tentuar t’i shmangen masës administrative duke mos i dhënë gjeneralitetet punonjësit të Policisë, kur janë konstatuar pa vendosur maskën, është ulur gjatë 24 orëve të fundit. Janë shoqëruar në ambientet e Policisë në të gjithë vendin, 7 shtetas, të cilët pasi kanë paraqitur dokumentin e identifikimit janë ndëshkuar me masën administrative 3000 lekë dhe janë lënë të lirë.

Policia e Shtetit ka rritur prezencën e shërbimeve të Policisë me uniformë dhe të punonjësve të Policisë Kriminale në territor, të cilët vijojnë patrullimet dhe kontrollet në të gjithë vendin, për parandalimin dhe goditjen e paligjshmërisë, si dhe monitorimin e masave anticovid, të cilat parandalojnë përhapjen e këtij virusi.

Policia e Shtetit falënderon edhe njëherë qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse, pronarët e lokaleve të respektojë protokollet e sigurisë dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse për parandalimin e infektimit me COVID-19.

Ndërkohë, Policia e Shtetit fton qytetarët që të mbështesin dhe të bashkëpunojnë më shumë me Policinë, të denoncojnë në numrin 112 dhe Komisariatin Dixhital, çdo paligjshmëri që cenon rendin e sigurinë, jetën dhe pronën e qytetarëve, duke iu garantuar anonimat të plotë dhe reagim të menjëhershëm e të paanshëm.

/portali DurresLajm/

Video: 
Na bëni like në facebook!: 

Lajme nga e njëjta kategori

Një ngjarje tragjike ka ndodhur ditën e sotem në fshatin Hajdaraj në Kavajë, ku një 80-vjeçar ka humbur jetën pasi ra në një kanal.

Një makinë është shkrumbuar sot në aksin rrugor Himarë-Sarandë, pasi ka marrë flakë në ecje.

Policia e Lushnjes ka arrestar një 43-vjeçar pasi ka ushtruar dhunë psikologjike ndaj bashkëjetueses së tij si dhe ndaj djalit të tij të

Policia e Vlorës ka arrestuar një 53-vejçar pasi ishte i shpallur në kërkim kombëtar për veprën penale “Kultivimi i bimëve narkotike”.

Policisë ka vënë në pranga një shtetas i kërkuar në Itali, për grabitje me armë dhe pjesëmarrje në organizatë kriminale.

Policia e Korçës ka arrestuar tre persona, në Voskopojë, për veprën penale “ndërtim pa leje”, si dhe ka shpallur në kërkim pronarin e ndë

Janë zbardhur detaje të reja nga ngjarja e ndodhur një ditë më parë në Korçë, ku u gjet i pajetë në rezervuarin e Gjançit 25-vjeçari, Fri

Dy të rinj kanë rënë në prangat e policisë së Dibrës, të dyshuar si autorë të vjedhjes së një banese.

Goditet një tjetër rast i tentativës për dhënie ndihmë për kalim të paligjshëm të kufirit, kundrejt fitimit.

Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë dy drejtues mjetesh, shtetasit: