Policia jep detaje, kush është i riu që u largua nga komisariati

25/09/2020 - 17:46

Policia e Tiranës ka reaguar disa orë pas ngjarjes, ku një i shoqëruar u arratis nga ambientet e drejtorisë, për t'u kapur pak minuta më pas.

Në një njoftim zyrtar, policia thotë se ka arrestuar 28-vjeçarin me inicialet K. P, i cili ishte denoncuar nga i ati për dhunë në familje, por që ambientet e Drejtorisë së Tiranës ka kundërshtuar me dhunë efektivët dhe ka tentuar të largohet.

Njoftimi i policisë së Tiranës:

Më datë 25.09.2020, rreth orës 16:00, nga specialistët për Hetimin e Krimit në Komisariatin e Policisë Nr.3, u bë arrestimi në flagrancë i shtetasit K.P., 28 vjeç, banues në Tiranë.

Ky shtetas ishte i shoqëruar në ambientet e DVP Tiranë për veprën penale ‘Dhuna në familje’ pasi ishte denoncuar nga babai i tij, dhe në momentin që Punonjësi i Policisë po e shoqëronte për në katin e parë të Drejtorisë Tiranë, ky shtetas e ka kundërshtuar me dhunë duke e goditur punonjësin e policisë dhe ka tentuar të largohet nga ambientet e DVP Tiranë por është kapur dhe prangosur disa metra më tej nga Forcat e Posaçme ‘Shqiponjat’.

Në përfundimin të veprimeve u bë arrestimi në flagrancë i shtetasit K. P., për veprat penale ‘Goditje për shkak të detyrës’, ‘Kundërshtim me dhunë i punonjësit të Policisë’ dhe ‘Mosbindje ndaj urdhrit të punonjësit të Policisë’ dhe ‘Dhuna në familje’, dhe materialet i kaluan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme.

/portali DurresLajm/

Na bëni like në facebook!: 

Lajme nga e njëjta kategori

Një aksident ka ndodhur mbrëmjen e së premtes në zonën e Xibrakës.

Një mjek ka humbur jetën në një aksident të ndodhur këtë të premte në aksin rrugor Lezhë-Shkodër.

Policia e Shtetit njofton se gjatë 24 orëve të fundit janë ndëshkuar me masa administrative 844 qytetarë që janë konstatuar pa maska mbro

Një person është gjetur i pajetë në një objekt të braktisur në kryeqytet.

U kap duke qarkulluar me armë zjarri në qytet, vihet në pranga një 31-vjeçar në Korçë.

Një makinë tip "Audi" është djegur në orët e para të mëngjesit në Elbasan.

Goditet një tjetër rast i veprimtarisë kriminale në fushën e narkotikëve.

Një aksident ka ndodhur mëngjesin e sotëm në zonën e Vaqarrit.

Dënohet me 22 vite burg italiani Francesco D’Agostino, 45 vjeç, i cili masakroi me thikë dhe sende të tjera 21-vjeçarin Serxho Markun, ng

Shkon në tre numri i të arrestuarve në sajë të operacionit antidrogë “Thethi”. Kapet dhe ndalohet një nga shtetasit e shpallur në kërkim.