RENEA blindon Gjirokastrën, arrestohet vrasësi i kushëririt

12/12/2019 - 10:06

Forcat RENEA kanë arrestuar Enrik Llukën në Gjirokastër i cili ishte shpallur në kërkim pasi akuzohet për vrasje dhe ishte dënuar me 35 vjet burg në mungesë. Aksioni për arrestimin e këtij personi është finalizuar mëngjesin e sotëm, kur RENEA dhe policia e Gjirokastrës kanë rrethuar banesën e Enrik Llukës në afërsi të Urës së Subashit dhe më pas kanë bërë edhe arrestimin e tij. Enrik Llukës i janë gjetur në banesë një snajper prodhim rus si dhe disa municione.

Enrik Lluka dyshohet se është autor i një krimi të ndodhur në mars të 2016-s në kthesën e fshatit Andon Poçi në aksin rrugor Gjirokastër-Tepelenë në afërsi të fshatit Shtëpëz, ku i vrarë mbeti Dorian Lluka, 29 vjeç dhe u plagos Birbil Lluka, 31 vjeç, banues në Gjirokastër, të afërm të të arrestuarit.

Konflikti ka nisur në lokalin e Dasho Alikos, ish-kryekomunarit të Lazaratit që ndodhet në rrugën Nacionale në Gjirokastër. Dy vëllezërit Dorian dhe Birbil Lluka bashkë me dy persona të tjerë kanë rrahur në ambientet e jashtme të lokalit Enrik Llukën. Pas konfliktit dy vëllezërit janë larguar me makinën e tyre. Më pas Enrik Lluka i ka marrë pistoletën shokut të tij Emiljano Vockës dhe i ka ndjekur nga pas me makinë kushërinjtë e tij dhe më pas ka qëlluar ndaj tyre duke lënë të vdekur Llukën dhe duke plagosur rëndë vëllain e tij.

Dyshohet se konflikti mes kushërinjve ka ndodhur për motive pronësie  dhe për një borxh mes tyre. 

/portali DurresLajm/

Na bëni like në facebook!: 

Lajme nga e njëjta kategori

Numri i viktimave në aksidentin e ndodhur në Rrugën e Kombit, pasditen e sotme ka shkuar në dy.

39-vjeçari Erjon Kashari, i cili në vitin 2014 kishte kryer një aksident me vdekje në Kanada, u ekstradua të martën nga policia shqiptare

Një i ri është arrestuar në flagrancë në fshatin Ballaj të Rrogozhinës.

Falë bashkëpunimit të suksesshëm mes Interpol Tiranës dhe Interpol Romës kapet dhe ekstradohet nga Italia drejt Shqipërisë një shtetas sh

Apeli i Posaçëm rrëzon kërkesën e komisionerëve Ramiz Tuda dhe Bujar Sula për ndryshim mase.

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Një ngjarje e rëndë është regjistruar pak më parë në plazhin e Durrësit.

Një aksident ka ndodhur pak para mesditës së sotme në Tiranë.

Zbardhen detaje të reja nga vrasja e Regis Runajt në Elbasan.

Policia e Fierit dhe Mallakastrës ka finalizuar një tjetër operacion antikanabis duke arrestuar në flagrancë 3 shtetas dhe shpallur në kë