Guadria Di Finanza ka publikuar videon e ndjekjes prej 5 orësh të dy skafistëve shqiptarë që po trafikonin 2 ton marihuanë drejt brigjeve italiane dhe që më në fund u arrestuan.
Në video shfaqen skafistët shqiptarë, njeri prej tyre më saktë, teksa flak në det dengjet me marihuanë për të zhdukur provat, një përpjekje e kotë kjo.
Ata u kapën në brigjet e Vieste, në Foggia, pas një ndjekjeje të gjatë, shkruajnë mediet lokale sot.
Kontrabandistët shqiptare B.B., 42 vjeç dhe J.H. 31 vjeç, të dy nga Vlora, u arrestuan për posedim dhe trafik ndërkombëtar droge dhe iu dorëzuan drejtësisë italiane.
Marihuana që iu kap atyre u peshua dhe rezultoi 2261.50 kg, e ndarë në 110 dengje.