Gjatë një operacioni të koduar "Kalaja" në qytetin e Beratit është kapur dhe sekuestruar nga policia një ngarkesë prej 441 kg lënde narkotike, Cannabis Sattiva e përpunuar në formën e Çokollatës si dhe 2.5 kg heroinë.
Mësohet se, policia ka shpallur në kërkim shtetasin me iniciale L.B, 47 vjeç, banues në Berat.
"Në kuadër të operacionit u ushtrua kontroll në banesën e shtetasit L.B në lagjen "13 Shtatori" ku gjatë kontrollit u gjetën në banesë 441 kg lëndë narkotike Cannabis Sattiva e përpunuar në formën e Çokollatës , 2.5 kilogramë lëndë narkotike e dyshuar Heroinë, një sasi e vogël lëndë narkotike e dyshuar Kokainë, një arkë me 35 granata ofensive dhe 40 difensive dhe peshore elektronike të cilat u sekuestruan në cilësinë e provës materiale" informoi sot policia e Beratit.
Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike” “Mbajtja e armëve dhe municioneve ushtarake” parashikuar nga nenet 283/1, 278 të Kodit Penal.