Sherr me thika mes të rinjve në Durrës, adoleshenti përfundon në spital

16/04/2018 - 14:40

Sherret me thika mes të rinjve në Durrës për arsye nga më banalet, nuk kanë të sosur edhe pse rastet me fund tragjik nuk kanë munguar në këtë qytet.

Durrsakët u tronditën jo pak kur në muajin mars, adoleshenti 16-vjeçar Anxhelo Gjakozaj vdiq në duart e kushëririt të tij pas një zënke me bashkëmoshatarin Devi Lala.

Por edhe pas kësaj ngjarjeje të rëndë, sërish djemtë e rinj të këtij qyteti zgjedhin t’iu japin zgjidhje 'problemeve' të tyre nëpërmjet dhunës e thikës.

Një rast i tillë ka ndodhur ditën e djeshme në lagjen nr.15 e njohur si zona e Spitallës, ku 19-vjeçari N.B., banues në Durrës ka goditur me thikë shtetasin D.H., vjeç 17.

Policia në njoftimin e saj nuk bën me dije shkaqet e një ngjarjeje të tillë, ndërsa mësohet se 17-vjeçari banues në Durrës ka përfunduar në spital, fatmirësisht jashtë rrezikut për jetën.

Materialet në ngarkim të 19-vjeçarit u referuan në Prokurorinë pranë Gjykatës së Shkallës Parë Durrës, për veprën penale "Plagosje e lehtë me dashje" sipas nenit 89 i Kodit Penal.

Është për të ardhur keq që të rinj të cilët do të vendosin për të ardhmen e vendit, përplasen dyerve të institucioneve të drejtësisë, në një moshë kur institucioni i vetëm që duhet të ketë prioritet për ta është shkolla e mik i pandarë nga dora e tyre duhet të jetë libri, jo thika, arma apo çfarëdo lloj mjeti tjetër që cënon e merr jetë!

G.D.

/portali DurresLajm/

Na bëni like në facebook!: 

Lajme nga e njëjta kategori

Një ditë para protestës së opozitës, Policia e Shtetit ka paralajmëruar se do përgjigjet me forcën e ligjit për ata që kryejnë akte të dh

Policia e Tepelenës ka arrestuar në flagrancë dy shtetas të akuzuar për veprën penale të vjedhjes.

Një tortë e dekoruar në mënyrë të veçantë në frigoriferin e një pastiçerie i ka rënë menjëherë në sy hetuesve të skuadrës së lëvizshme të

Një shqiptar, një algjerian dhe një grek që ishin arrestuar në Greqi, arritën të dilnin nga makina e policisë dhe të largoheshin me vrap.

Rita Buci, e veja e tregtarit që u ekzekutua nga grabitësit në dyqanin  e familjes në Kamez, dëshmoi në gjykatën e Tiranës në procesin nd

Policia greke ka arrestuar 3 shqiptarë të moshës 23, 36 dhe 49 vjeç, pasi po transportonin drogë.

Policia e Elbasanit ka bërë ndalimin e mjekut neuro-psikiatër në Spitalin e Gramshit, Ç.Z 60-vjeç.

Policia e Tiranës ka arrestuar një 50-vjeçar pasi ushtronte dhunë ndaj bashkëshortes së tij. I arrestuari me iniciale D.P.

Një i ri është proceduar penalisht, pasi akuzohet për veprën penale "organizimi i lotarive të palejuara" dhe "vënia në dispozicion e loka

Një i ri shqiptar është vrarë nga grabitësit në Brazil.