Aksident me pasojë vdekjen e një të moshuari ka ndodhur sot paradite rreth orës 09:55 në Fushë Krujë.
Mjeti tip “Fiat” me drejtuese shtetasen N.G.,33 vjeçe, ka aksidentuar shtetasin N.N., 73 vjeç, banues në Fushë-Krujë. Ai po lëvizte me biçikletë, e si pasojë e goditjes ka ndërruar jetë.
Policia e Durrësit informon se grupi hetimor ndodhet në vendngjarje dhe po punon për zbardhjen e aksidentit.
Drejtuesja e automjetit është shoqëruar në Polici për veprime të mëtejshme