Skandali/ Gjykata i falsifikon vendbanimin 22-vjeçarit, për ta mbajtur në burg

Postuar: 11/12/2017 - 21:45

   Gjykata i falsifikon vendbanimin për ta mbajtur në burg. Fiks Fare denoncoi sonte rastin e një 22-vjeçari të arrestuar nga policia e Tiranës, vetëm sepse po qëndronte te shkallët e një pallati në lagje dhe në korridorin e kësaj ndërtese është gjetur një sasi e vogël kanabisi.

Ai është arrestuar me dy shokë të tij pa pasur asnjë provë tjetër. Por dy shokët e tij janë liruar nga gjykata, ndërsa i riu Rigers Xhameta është mbajtur në qeli, duke argumentuar se në xhep i është gjetur një letër cigareje dhe duke i falsifikuar vendbanimin, sikur ai banonte në pallatin ku u gjet droga.

Nga dokumentet e siguruara nga Fiks Fare rezulton se: Më 6 tetor të këtij viti, policia e Tiranës ka arrestuar tre të rinj të dyshuar për lëndë narkotike, Egli Bajrami, Serxho Zefi dhe Rigers Xhameta.

Pranë vendit ku ishin ulur të arrestuarit është gjetur një qese plastike me bimë të dyshuar si kanabis, me peshë 1.4 gramë.Po ashtu edhe në katin e parë të pallatit është gjetur edhe një tjetër qese me bimë të dyshuar narkotike, me peshë 14.6. Por, në procesverbalin e policisë nuk është përcaktuar nëse bëhet fjalë për gramë, kg, kuintalë apo tonë.

Por, në gjykatë është deklaruar se bëhet fjalë për 14.6 gramë. Duke qenë se tre të rinjtë ndodheshin pranë vendit ku është gjetur droga, policia ka bërë arrestimin e tyre, si të dyshuar për mbajtjen e saj.

Antidroga ka kontrolluar edhe shtëpitë e tyre, por nuk ka gjetur asgjë të kundërligjshme.

Tre ditë më vonë, pikërisht më 9 tetor, gjykata ka vlerësuar si të paligjshëm arrestimin në flagrancë të tre të rinjve nga ana e policisë. Gjykata liroi dy nga të arrestuarit dhe të vendosë arrest me burg me afat 30 ditor për Rigers Xhametën. Gjykata ka argumentuar se ai rezulton i implikuar me veprën penale, pasi droga është gjetur në hyrjen e pallatit të tij dhe gjatë kontrollit i janë gjetur disa letra për dredhjen e duhanit.

Pra, duke u bazuar në këto dy fakte, gjykata ka vendosur që ai të mbahet në burg derisa Policia Shkencore të nxjerrë gjurmët e gishtave në qeset e sekuestruara nga policia. Pas 17 ditësh, laboratori i kriminalistikës nxori konkluzionet, ku rezultoi se Xhameta nuk kishte shenja gishtash në qeset me hashash të sekuestruara nga policia. Pas kësaj, gjykata vendosi lirimin e tij.

Rigersi tha për Fiks Fare se ai nuk banon në këtë pallat, ku u gjet droga, pasi shtëpia e tij ndodhet rreth 800 metra më larg se pallati dhe nuk e di sesi gjykata ka arritur në këtë konkluzion.

Për këtë arsye, gazetarët e Fiksit iu drejtuam gjykatës me një kërkesë për informacion sesi është vërtetuar që Rigers Xhameta banonte në këtë pallat, meqë ky ishte një ndër dy pikat kryesore që mbështetej dyshimi për arrestimin e tij.

Në përgjigjen e saj, gjykata e Tiranës nuk tregon asnjë fakt sesi është vërtetuar vendbanimi i tij, por deklaron që “vendimet e gjykatave më të ulëta janë objekt i ankimit në gjykatat më të larta. “Interpretimi i provave është detyrë e gjykatës gjatë shqyrtimit gjyqësor të çështjes dhe nuk duhet të konfondohet me vlerësimin e gjykatës në vleftësim të arrestit”, tha gjykata.

Por, nga verifikimi që bëri emisioni investigativ në vendimin e gjykatës, rezulton që një fakt i tillë është prodhuar nga vetë gjykata, pasi as prokuroria dhe as vetë i pandehuri nuk kanë deklaruar në ndonjë moment që Xhameta banon në këtë pallat

Madje, që në krye të vendimit, deklarohet që Rigers Xhameta, është banues në rrugën “Hamdi Cenoimeraj”, banesa nr. 6. Ndërsa droga, sipas procesverbaleve të policisë, që i ka në dispozicion prokuroria dhe gjykata, është gjetur në të njëjtën rrugë, por në pallatin me nr. 110, i cili ndodhet rreth 800 metra larg shtëpisë së Xhametës.

Por pavarësisht kësaj, Gjykata thotë në argumentin për mbajtjen në burg të Xhametës se droga është gjetur në hyrjen e pallatit të tij, duke i falsifikuar vendbanimin. /top channel

/portali DurresLajm/

Na bëni like në facebook!: 

Lajme nga e njëjta kategori

Policia e Tiranës arrestoi dje një avokat 35-vjeçar, i cili akuzohet për mashtrim me shuma të mëdha, fshehje të të ardhurave dhe falsifik

Një korrier droge shqiptar ka përfunduar në prangat e policisë italiane teksa po kalonte transit në Modena.

Një oficer policie dhe një doganier janë arrestuar në doganën Qafë Prush për shpërdorim detyre dhe kontrabandë.

Katër adoleshentë janë arrestuar nga Policia e Tiranës të cilët shisnin lëndë narkotike nëpër gjimnazet e kryeqytetit.

Një ngarkesë prej 217 kg marijuanë u sekuestrua në zonën e Leçes në Itali gjatë një operacioni të përbashkët mes policisë shqiptare dhe p

Detaje të reja dalin nga arrestimi i Klajdi Gjeçit, i cili u arrestua dje ai autor i dyshuar për vendosjen e eksplozivit në makinën e biz

Një person është aksidentuar mëngjesin e sotëm në kryeqytet nga autobusi i linjës së Kombinatit.

Një 41-vjeçar me identitet të dyfishtë është ndaluar në Rinas nga policia, i cili rezultoi të ishte i shpallur në kërkim kombëtar për vep

   E rrahën për vdekje me grushte, arrestohet pas 3 vitesh shqiptari i shumëkërkuar

   Mediat italiane kanë publikuar sot pamjet kur një shqiptar thyen xhamat e një biznesi.