Tentoi ta vrasë në 2005/ Lul Berisha përballet me Ahmet Ajetin

06/12/2018 - 11:04

Lulzim Berisha është përballur sot në proces gjyqësor, me personin që vite më parë ka tentuar ta vrasë. I shoqëruar nga avokati mbrojtës, Detar Hysi, Lulzim Berisha u paraqit në sallën e gjyqit në procesin ndaj 35-vjeçarit Ahmet Ajeti i akuzuar si organizator i atentatit ndaj tij. Në këtë seancë Berisha nuk ka pranuar të dëshmojë me pretendimin se vjen si i dëmtuar në proces.

Ahmet Ajeti akuzohet se në vitin 2005 ka bërë një atentat për vrasjen e Lulzim Berishës. Ajeti është dënuar në mungesë me 20 vjet burg për tentativë vrasje dhe u ekstradua nga Lipjani i Kosovës, në Shqipëri 4 muaj më parë. Pas ekstradimit, Ajeti kërkoi rihapjen e çështjes, dhe rishqyrtimin e dosjes në prani të tij.

Procet gjyqësore kanë dështuar disa herë te Krimet e Rënda për shkak të mosparaqitjes së Lulzim Berishës. “Më 30 gusht të 2005 Ahmet Ajeti dhe O. K., të porositur nga E. D., dhe A.C., kanë shkuar nga Tirana në Durrës për të vrarë Lul Berishën. Para se të kryhej atentati në afërsi të lokalit ku ndodhej Berisha, Ahmet Ajeti është konfliktuar me disa persona të panjohur dhe në grindje e sipër ka nxjerrë pistoletën ku dhe  është vetëplagosur. Ajeti ishte shpallur në kërkim ndërkombëtar nga Interpol Tirana më 07.03.2016, pasi Gjykata e Shkallës së Parë për Krimet e Rënda, Tiranë, me vendimin nr. 01 datë 16.01.2012, e ka dënuar me 20 vjet burg për veprën penale “Vrasje me paramendim”, dhe “Armëmbajtje pa leje”.

Si rezultat i bashkëpunimit të Interpol Tirana me Policinë e Kosovës, u bë i mundur arrestimi i tij në Kosovë, duke u finalizuar me ekstradimin e tij drejt vendit tonë. Ajeti nuk është një emër i panjohur për drejtësinë shqiptare, pasi ai ka qenë pjesë e bandës së Endrit Dokles e Adriatik Colit.  Pretendohet se është paguar me 80 mijë euro në vitin 2005 për të vrarë Lulzim Berishën. /BalkanWeb

/portali DurresLajm/

Na bëni like në facebook!: 

Lajme nga e njëjta kategori

Tre persona kanë mbetur të plagosur si pasojë e një aksidenti automobilistik. Ngjarja ka ndodhur në aksin rrugor Elbasan-Librazhd.

Një punëtor shqiptar ka humbur jetën gjatë një aksidenti në punë.

Një konflikt mes tre personave është regjistruar mesditën sotme në rrugën e "Kosovarëve" në kryeqytet.

Prokuroria e Tiranës ka pushuar hetimet e nisura pas denoncimit të ish-nënkomisar Emiljano Nuhut, se ishte kërcënuar për të mbyllur çësht

Tre persona u arrestuan për akuzën e kontrabandës dhe trafikut të mjeteve motorike në qytetin e Kukësit.

Një djalë 9-vjeçar ka vdekur pasi e zuri poshtë një dollap me kyç në një shkollë në Essex.

Pesë persona janë arrestuar në Fier për vepra të ndryshme penale. 

Është gjetur i pajetë trupi i 4-vjeçarit, Zenel M., në lumin pranë parkut të lojërave ku ai u zhduk në Wildegg të Zvicrës.

Policia ka arrestuar dy persona pasi dyshohet se kultivuan 60 kubikë me fara kanabis në fshatin Buz të Memaliajt.

Një furgon mallrash ka rënë në lumë tek kthesa e Çezmës së Myftarit, në aksin rrugor Elbasan-Librazhd.