Një 38-vjeçar ka përfunduar në prangat e policisë pasi në gjendje të dehur iu ka hedhur në trup lëndë djegëse dy fqinjëve të tij.
Burimet zyrtare njoftojnë se ngjarja ka ndodhur në lagjen “Shënkoll”, në qytetin e Elbasanit.
“Specialistët për Hetimin e Krimit në Komisariatin e Policisë Elbasan kanë arrestuar në flagrancë shtetasin Ç. Z., 38 vjeç, banues në Elbasan. Në lagjen “Shënkoll”, Elbasan, gjatë një konflikti për motive të dobëta, shtetasi Ç.Z dyshohet nën efektin e alkoolit, u ka hedhur në trup lëndë djegëse duke u shkaktuar dëmtime fqinjëve të tij shtetasve S. Sh. dhe K. Sh, të cilët ndodhen jashtë rrezikut për jetën.”, njofton policia.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.