Transportonin me kafshë drogë drejt Maqedonisë së Veriut, kapen trafikantët

21/09/2019 - 10:36

Policia ka arrestuar dy persona në Elbasan pasi transportonin lëndën narkotike në drejtim të Maqedonisë së Veriut.

Operacioni "Rrajca" ka sekuestruar rreth 55 kilogramë lëndë narkotike Cannabis Sativa.

NJOFTIMI I POLICISË

Specialistët për Hetimin e Narkotikëve në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, si dhe bazuar në informacionet e marra në rrugë operative se dy shtetas po tentonin të trafikonin lëndë narkotike nëpërmjet kufirit jeshil për në Maqedoninë e Veriut, menjëherë kanë organizuar punën dhe në bashkëpunim me Policinë Kufitare të Stacionit të Policisë Kufitare Qafë Thanë dhe Stacionin e Policisë Përrenjas, kanë finalizuar operacionin policor të koduar “Rrajca”, si rezultat i të cilit u bë kapja dhe arrestimi në flagrancë i shtetasve:

- A. B., 47 vjeç, dhe I. B., 22 vjeç, të dy banues në fshatin Sutaj-Prrenjas.

Këta shtetas janë kapur në flagrancë gjatë operacionit rreth orës 21:30, në fshatin Rrajcë-Sutaj, duke transportuar me një kafshë pune, rreth 55 kilogramë lëndë narkotike e dyshuar Cannabis-Sativa.

Nga hetimet e kryera ka rezultuar se këta shtetas në bashkëpunim dhe me persona të tjerë kanë organizuar trafikimin e lëndëve narkotike kryesisht të llojit Cannabis-Sativa, nëpërmjet kufirit të gjelbër nga Shqipëria në drejtim të shtetit të Maqedonisë së Veriut.

Në bashkëpunim me Prokurorinë vazhdon puna për identifikimin dhe arrestimin e personave të tjerë të perfshirë në këtë veprimtari kriminale.

Materialet hetimore iu kaluan Prokurorisë Pranë Gjykatës së Shkallës Parë Elbasan, për veprën penale, “Trafikimi i narkotikëve e kryer në bashkëpunim, e mbetur në tentativë".

/portali DurresLajm/

Na bëni like në facebook!: 

Lajme nga e njëjta kategori

Një pedalon ka mbetur i bllokuar në det, në zonën e Porto Romanos, në Durrës, ndërsa nuk dihet ende sa persona ka brenda.

Një sherr mes disa të rinjve ka ndodhur në zonën e ish-Bllokut. Në video shihet teksa një grup djemsh goditen me karrige, tavolina dhe sh

Një 44-vjeçar ka rënë në prangat e policisë për shkak se ishte i shpallur në kërkim për disa vepra penale.

Policia ka proceduar penalisht adminitratorin e një televizioni pasi ushtronte aktivitetin e paligjshëm të piraterisë duke fshehur të ard

Zbulohet e arrestohet në flagrancë hajduti i biçikletave në Durrës, që bëri kërdinë gjatë 4 muajve të fundit në qytet.

Një 31-vjeçar nga Durrësi ka rënë në prangat e policisë së Beratit ndërsa një 36-vjeçar është shpallur në kërkim.

Një shqiptar është arrestuar nga policia në Madrid, pasi ishte shpallur në kërkim nga autoritetet holandeze për përfshirje në një rrjet n

Operacioni nga Drejtoria Vendore e Policisë Elbasan dhe Forcat Speciale RENEA kanë finalizuar operacionin "Shënkoll" për goditjen e vepri

Vijon operacion për parandalimin dhe goditjen e veprimtarisë kriminale në fushën e dhënies ndihmë, me qëllim kalimin e paligjshëm të kufi

Goditet një tjetër rast i veprimtarisë kriminale në fushën e dhënies së ndihmës shtetasve të huaj, për kalim të paligjshëm të kufirit, ku