Një 35-vjeçar është arrestuar në portin e Vlorës, pasi ka ndihmuar dy të huaj që të kalojnë kufirin me test Covid të falsifikuar. Në pranga ka rënë 35-vjeçari me iniciale A.D. si dhe janë proceduar në gjendje të lirë 2 italianë, për veprën penale “Falsifikim i dokumenteve shëndetësore”.

Mësohet se dy italianët, të cilët do të udhëtonin drejt Italisë, janë konstatuar se kishin test Covid të falsifikuar.

Nga verifikimet e bëra me tej, dyshohet se falsifikimi është bërë nga A.D., i cili tashmë është arrestuar.

Ky nuk është rasti i parë që kapen udhëtarë me test Covid të falsifikuar. Raste të ngjashme kanë ndodhur dhe në pikën kufitare të Kakavijës, ku janë arrestuar disa persona.