Vdekja e 5-vjeçarit në zbukurimet e parkut të qytetit, arrestohen 2 zyrtarë të Bashkisë, nën hetim dhe 4 elektricistë

23/05/2020 - 09:12

Ngjarja e rëndë që ndodhi mëngjesin e djeshëm në parkun e qytetit të Beratit, ku një 5-vjeçar gjeti vdekjen duke luajtur me një pjesë të dekorit me drita të qytetit është shoqëruar edhe me arrestime të përgjegjësve të kësaj ngjarjeje. Pas hetimeve të kryera nga specialistët dhe ekspertët kriminalistikë në Drejtorinë Vendore të Policisë Berat, janë arrestuar 2 drejtues të bashkisë Berat dhe ka filluar procedimi penal në gjendje të lirë për 4 punonjës.

Lajmi bëhet i ditur nga burime zyrtare në Drejtorinë Vendore të Policisë Berat që konfirmojnë se 6 shtetas (drejtues dhe punonjës të bashkisë Berat) janë shoqëruar në polici mbrëmjen e djeshme si të dyshuarit kryesorë dhe përgjegjës për ngjarjen e rëndë dhe vetëm 2 prej tyre janë arrestuar, ndërkohë që 4 të tjerët po procedohen në gjendje të lirë.

Në pranga ka rënë Drejtori i Drejtorisë së Shërbimeve Publike në bashkinë e Beratit, Polizoi Ikonomi dhe inxhinieri i kësaj drejtorie Llazar Hoxholli. Ata akuzohen për “shpërdorim detyre”, bazuar në Nenin 248 të Kodit të Procedurës Penale. Nën hetim, në gjendje të lirë janë edhe 4 punonjës të tjerë të kësaj drejtorie, me pozicionin elektricistë, emrat e të cilëve nuk janë bërë ende të ditur.

Edhe mbi 4 elektricistët që po hetohen e procedohen në gjendje të lirë rëndon e njëjta akuzë, ajo e shpërdorimit të detyrës. Materialet në ngarkim të 6 shtetasve të sipërpërmendur janë përcjellë pranë Prokurorisë së Rrethit Berat.

5-vjeçari Aleksandër Brahimi, që njihej në qytet si lypës dhe vinte nga komuniteti rom, gjeti vdekjen mëngjesin e djeshëm në parkun e qytetit të Beratit. Ai ishte duke luajtur në tunelin me drita, pjesë e dekorit të bashkisë për festat e fundvitit, kur ka rënë në kontakt me rrymën elektrike të disa telave të zhveshur të tunelit. Ai mbërriti në spital me shenja jete të dobëta por mjekët, me gjithë përpjekjet e bëra, nuk kanë mundur dot ta shpëtojnë. Në lidhje me ngjarjen tragjike edhe familjarët e fëmijës akuzuan bashkinë për vdekjen e tij.

/portali DurresLajm/

Na bëni like në facebook!: 

Lajme nga e njëjta kategori

Një sherr me sende të forta mes 4 personave ka ndodhur ditën e sotme në Sauk të Vjetër, e për pasojë kanë mbetur të plagosur dy vëllezër

Një aksident i rëndë me pasojë vdekjen e një personi ka ndodhur ditën e sotme në Tiranë.

Rreth orës 11:00, 34-vjeçari Bledar Lazareni banues në Elbasan, dyshohet në gjendje të rënduar psikologjike, duke drejtuar mjetin tip “To

Operacioni Forca e Ligjit është ndalur këtë të martë në Kukës.

Policia ka arrestuar 2 drejtues mjetesh, të cilët shkaktuan dy aksidente, njëri prej të cilëve me pasojë 4 të plagosur. 

Një 25-vjeçare mbeti e plagosur në Mat pasi ka rënë aksidentalisht nga ura.

Policia ka goditur një tjetër rast të tentativës për trafikim të lëndëve narkotike.

Një sherr me sende të forta në Tiranë ka përfunduar me plagosjen e dy vëllezërve binjakë.

Detaje të reja mësohen rreth ngjarjes së zjarrit në një banesë në Durrës, ku për pasojë humbi jetën e moshuara Dashurie Koçi.

Një 20-vjeçar sirian u gjet i vdekur mëngjesin e sotëm pranë ish-hotel Vollgës në lagjen nr.1 të qytetit bregdetar.