Vrasja e administratorit në Vlorë, kapen 3 autorët

12/06/2019 - 09:00

Vrasja e administratorit të fshatit Kotë, Argjil Gjoka ka çuar në pranga 3 persona.

Biurime nga policia thanë se për vrasjen e ndodhur mesditën e djeshme janë arrestuar tre persona, kushërinj me njëri-tjetrin.

Të arrestuarit te dyshuar per vrasje janë: Arif Bejtaj, Jaçe Bejtaj dhe Namik Bejtaj.

Arif Bejtaj është arrestuar në spital pasi ishte plagosur në këmbë.

Argjil Gjoka u vra dje në fshatin Kotë, pas një sherri të ndodhur për shkaqe pronësie mes disa kushërinjve.

Njësia administrative ishte duke rregulluar drejt zonës së Mavrovës kur ndodhi sherri që përfundoi me vrasjen e Gjokajt.

Njoftim i Policisë së Vlorës:

Policia zbardh ngjarjen e djeshme në Selenicë. Në pranga autorët. Arrestohen në flagrancë 3 shtetas, shpallet në kërkim 1 tjetër.

Më datë 11.06.2019, rreth orës 14:20, në fshatin Petë të Selenicës, pas një konflikti me armë zjarri midis disa personave, janë plagosur shtetasit A. B., 19 vjeç dhe A. Gj., 51 vjeç, ku si pasojë ky i fundit ka humbur jetën në Spitalin e Vlorës.

Pas hetimeve të kryera, dëshmive dhe provave të administruara, Policia ka zbardhur ngjarjen, duke vënë para përgjegjësisë penale autorët e dyshuar:

• N.B., 30 vjeç (arrestuar).

• J.B., 22 vjeç (arrestuar).

• A.B., 19 vjeç (arrestuar).

Të tre këta shtetas janë me banim në fshatin Mavrovë.

Gjithashtu është shpallur në kërkim shtetasi M .P. (B), 32 vjeç, banues në Vlorë dhe po punohet për kapjen e tij.

Këta shtetas në bashkëpunim me njëri-tjetrin për motive të dobëta kanë tentuar të vrasin me armë zjarri tip pistoletë dy vëllezërit F. O. dhe A. O., (70 dhe 65 vjeç), por pas ndërhyrjes për të shuar konfliktin humbi jetën Kryetari i Njësisë Administrative Kotë, shtetasi A. Gj.

Materialet në ngarkim të këtyre shtetasve iu referuan Prokurorisë, për veprat penale ‘Vrasja në rrethana të tjera cilësuese’ kryer në bashkëpunim dhe ‘Mbajtja pa leje e armëve dhe municioneve luftarake’.

/portali DurresLajm/

Na bëni like në facebook!: 

Lajme nga e njëjta kategori

Drejtuesi i një motoçiklete ka humbur jetën mbrëmjen e sotme pasi është përplasur me një makinë të parkuar në rrugë.

Fatos Xheta ka mohuar akuzën e vrasjes së bashkëshortes së tij Safie Xheta.

Prokuroria e Krimeve të Rënda ka shtyrë me dy muaj hetimet për anëtarët e grupit Bajri.

Një aksident me makinë ka fundosur një shqiptar të shpallur në kërkim ndërkombëtar për trafik droge.

Gjykata e Apelit për Krime të Rënda ka pranuar gjykimin e shkurtuar për Mirald Metollarin, i cili vrau prindërit në banesën e tyre në Bat

Finalizohet operacioni "Stroke", për parandalimin dhe goditjen e dhënies së ndihmës për kalim të paligjshëm të kufirit, bien në pranga 5

Gjykata e Elbasanit ka caktuar masën e sigurisë “arrest me burg” me 10 ditë për pedagogun e Universitetit “Aleksandër Xhuvani”, Denis Him

Një 47-vjeçar, magazinier në minierën e Spaçit në Mirditë ka humbur jetën gjatë punës.

DVP Tiranë në bashkëpunim me Interpol Tirana ka arrestuar një tjetër person në kërkim ndërkombëtar me qëllim ekstradimin drejt Italisë.

Goditet një bandë trafikantësh droge, e përbërë nga shtatë shqiptarë dhe 1 italian, që trafikonin në Milano heroinë dhe kokainë nga Holan