Vrasja e Artan Cukut, familja padit Policinë e Shtetit në gjykatën Administrative

28/09/2020 - 16:47

Në kohën kur drejtësia ende nuk e ka thënë fjalën e saj për Bledar Jambellin që akuzohet si urdhërues i vrasjes së Artan Cukut, familjarët e ish kryekomisarit të ndjerë hapin një beteje të re gjyqësore.

Pak ditë më parë, e veja e Cukut dhe vëllezërit e tij i janë drejtuar gjykatës Administrative me një kërkesë për shpërblim demi, nga Ministria e Brendshme dhe Policisë së Shtetit.

BalkanWeb raporton se familjarët kërkojnë nga institucionet shtetërore t’i dëmshpërblejnë për dënimin pasuror dhe jopasuror që iu ka ardhur si rezultat i humbjes së jetës së familjarit të tyre për shkak të detyrës së tij, si ish-drejtues i Policisë së Shtetit. Çështja është shortuar dhe së shpejti palët pritet të përballen në sallën e gjyqit.

Artan Cuku është shpallur dëshmor i Atdheut, pasi hetimet nxorën në dritë faktin se ai u ekzekutua për shkak të detyrës si zyrtar i Policisë së Shtetit. Por ndërkohë, urdhëruesi i vrasjes dhe bashkëpunëtori i tij më i ngushtë ende nuk janë dënuar nga drejtësia.

Bledar Jambelli dhe Kristaq Leci mundën tu shpëtonin dhe prangave, dhe fituan statusin si azilant në shtetin grek. I vetmi i dënuar për krimin është Mikel Shallari, i cili ka patur rolin e ekzekutorit. Ky i fundit mori statusin e bashkëpunëtorit të drejtësisë dhe rrëfeu për hetuesit emrat e urdhëtuesve të krimit, duke përfituar në këmbim një dënim me vetëm 10 vite burgim.

/portali DurresLajm/

Na bëni like në facebook!: 

Lajme nga e njëjta kategori

Policia e Shtetit vijon të ushtrojë kontrolle të vazhdueshme në të gjithë vendin, për zbatimin e masave anticovid.

E dhunuan fizikisht dhe i hoqën në mënyrë të padrejtë lirinë për disa orë 41-vjeçarit, Policia zbardh ngjarjen, identifikon dhe vë në pra

Policia Kufitare në Portin e Vlorës, në kuadër të masave të shtuara për goditjen e paligjshmërisë, parandalon dhe godet një rast të kontr

Policia e Durrësit njofton se shkak për përfshirjen në flakë të mjetit "Benz" dyshohet se është bërë një shkëndijë elektrike.

Përfshihet nga flakët në ecje një makinë "Benz" në Durrës.

Policia e Krujës ka goditur një tjetër rast të veprimtarisë kriminale në fushën e dhënies ndihmë shtetasve të huaj për kalim të paligjshë

Gjashtë persona kanë mbetur të plagosur nga një aksident i trefishtë i ndodhur në periferi të Tiranës. Policia bëri me dije se, rreth orë

Pronarja e një dyqani në Roskovec të Fierit është grabitur nga dy persona. Ngjarja ka ndodhur rreth orës 14:35.

Policia e Shtetit vijon të ushtrojë kontrolle të vazhdueshme në të gjithë vendin, për zbatimin e masave anticovid.